Granit Xhaka

Granit Xhaka (lindur më 27 shtator 1992) është një futbollist profesionist zviceran me prejardhje shqiptare, i cili luan si mesfushor për klubin anglez Sunderland dhe kombëtaren zvicerane.

Granit Xhaka

Xhaka me Arsenalin në vitin 2018
Informacioni personal
Emri i plotë	Granit Xhaka
Data e lindjes	27 shtator 1992 (32 vjeç)
Vendi i lindjes	Basel, Zvicër
Gjatësia	1.86 m (6 ft 1 in)[1]
Pozicioni(et)	Mesfushor
Informacioni i ekipit
Ekipi aktual	Bayer Leverkusen
Numri	34
Karriera me të rinjtë
2000–2002	Concordia Basel
2002–2010	Basel
Karriera si profesionist*
Vitet	Ekipi	Ndsh	(Gola)
2006–2010	FC Basel U21	37	(11)
2010–2012	Basel	44	(2)
2012–2016	Borussia Mönchengladbach	108	(6)
2016–2023	Arsenal	225	(17)
2023–2025	Bayer Leverkusen	66	(5)
2025–	Sunderland	0	(0)
Karriera ndërkombëtare‡
2008–2009	Zvicra U17	14	(0)
2009–2010	Zvicra U18	14	(3)
2010–2011	Zvicra U19	10	(3)
2010–2011	Zvicra U21	5	(0)
2011–	Zvicra	137	(14)
*Ndeshjet dhe golat në ligën vendase të klubeve, të sakta prej datës 11 maj 2025 ‡ Ndeshjet dhe golat me kombëtaren, të sakta prej datës 27 mars 2024

Xhaka e nisi karrierën si futbollist me klubin e qytetit të lindjes Basel, duke fituar Super Ligën Zvicerane në dy sezone. Në vitin 2012, ai u transferua në Gjermani te Borussia Mönchengladbach, klub me të cilin fitoi reputacionin e të qënit një lider por u kritikua edhe për temperamentin. Ai u bë kapiten në vitin 2015 dhe udhëhoqi ekipin në fazën e grupeve të UEFA Ligës së Kampioneve në dy sezone rresht.

Në vitin 2016, Xhaka firmosi me Arsenalin në Premier Ligë për 30 milion £, me të cilin fitoi dy herë Kupën FA si dhe shërbeu si kapiten për një kohë të shkurtër. Pas shtatë viteve në Angli, ai u rikthye në Gjermani te Bayer Leverkusen në vitin 2023, duke fituar klubin të fitonte kampionatin e parë në histori në sezonin e tij të parë.

Në nivelin ndërkombëtar, Xhaka ishte pjesë e ekipit nën-17 që fitoi Kupën e Botës në vitin 2009. Dy vite më pas, ai debutoi me ekipin e parë dhe është aktualisht lojtari me më shumë ndeshje në historinë e ekipit kombëtar, me 123. Ai ka përfaqësuar Zvicrën në tre edicione të FIFA Kupës së Botës (2014, 2018 dhe 2022) dhe tre edicione të UEFA Kampionatit Evropian (2016, 2020 dhe 2024).

Jeta e hershme

Xhaka ka lindur në Basel,Zvicër por prindërit janë shqiptarë nga Kosova.Ai është vëllai më i vogël i Taulant Xhaka, i cili është gjithashtu një futbollist profesionist dhe luan për FC Basel dhe ekipin kombëtar shqiptar. Familja e tyre u zhvendos nga Kosova Podujevë në Zvicër pak para se fëmijët e tyre të lindnin. Që nga viti 2017, Xhaka është martuar me Leonita Lekajn.

Karriera me klube

Vitet e para

Dy vëllezërit Xhaka e filluan karrierën e tyre futbollistike me Concordia Basel. Ne 2002 ai u transferua tek Basel ku luajti me skuadrën e të rinjve deri ne 2008. Me pas ai kaloi tek Basel U 21 ku luajti deri ne vitin 2010, për tu transferuar tek skuadra e parë e Basel

Basel

Kur Granit Xhaka fillimisht u transferua tek Basel trajneri i asaj kohe Thorsten Fink u shpreh se ai ishte talenti më i madh që kishte pasur ndonjëherë me Basel edhe më i mire se "Xherdan Shaqiri" Ai bëri paraqitjen e parë me skuadrën e Basel ne raundin e tretë të 2010–11 UEFA Champions League kundër skuadrës Debreceni VSC ne Szusza Ferenc Stadium duke shënuar dhe golin e dyte për skuadrën e tij ne përfundim te ndeshjes. Ai shënoi golin e parë në kampionat në fitoren 5-1 kundër FC Thun ne 15 maj 2011. Ne përfundim Xhaka me Basel fitoi titullin kampion Super League Championship madje fitoi dhe kupën Swiss Cup.

Borussia Mönchengladbach

Më 18 maj 2012, Xhaka u transferua ne Gjermani tek klubi i tij me i ri Borussia Mönchengladbach për një shifër prej € 8,5 milion.

Arsenal

Më 25 maj 2016, Arsenali siguroi shërbimet e Xhakës nga Borussia Mönchengladbach për një shifër rreth 30–35 milion £.^[2] Xhaka u ble nga Arsenali pasi klubi londez sipas raportimeve hoqi dorë nga transferimi i francezit N'Golo Kanté pasi bonusi i agjentëve të lojtarit ishte 10 milion £.^[3] Xhaka debutoi me Arsenalin si zëvëndësues në fitoren 2–1 në ndeshjen miqësore kundër MLS All-Stars.^[4]

Xhaka bëri debutimin e tij zyrtar në humbjen 4–3 kundër Liverpoolit në ndeshjen hapëse të Premier Ligës 2016–17, duke u aktivizuar si zëvëndësues në minutën e 65të në vend të Mohamed Elneny.^[5] Goli i tij i parë me klubin, një gjuajte nga 25 metra distancë, erdhi më 17 shtator në suksesin 4–1 kundër Hull Cityt.^[6]

Bayer Leverkusen

Më 6 korrik 2023, Xhaka u transferua te Bayer Leverkusen për 25 milion €, duke firmosur një kontratë pesë-vjeçare.^[7] Ai debutoi më 12 gusht duke luajtur 90 minuta të plota në fitoren rekord 8–0 kundër Teutonia Ottensen në kupë.^[8] Më 23 shkurt 2024, ai shënoi golin e parë me ekipin në suksesin 2–1 kundër Mainz 05 në kampionat.^[9]

Më 14 prill, Xhaka shënoi një nga golat e fitores 5–0 kundër Werder Bremenit që i siguroi Leverkusenit titullin e parë të Bundesligës në histori.^[10] Më 25 maj, ai shënoi golin e vetëm të fitores 1–0 kundër Kaiserslauternit në finalen e kupës, duke i dhuruar klubin trofeun e parë në histori; Leverkuseni fitoi dopietën (kampionat dhe kupë) pa pësuar asnjë humbje.^[11]

Sunderland

Më 30 korrik 2025, Xhaka u rikthye në Angli duke firmosur një kontratë tre-vjeçare me klubin e sapongjitur në Premier Ligë, Sunderland. Shuma e transferimit ishte 13 milion £ plus 4 milion të tjera në formë bonusesh.^[12][13]

Karriera ndërkombëtare

Karriera e tij me një skuadër internacionale filloi ne 2008 kur ai u bë pjesë e Zvicër U 17.

Përpara se te luante me Zvicrën Xhaka ka berë një kërkesë për të luajtur me Shqipërinë. Por si përgjigje ka gjetur injorimin e kerkesës së FSHF. Internacionalia e parë që ai ka luajtur ishte në Wembley Stadium kundër Anglisë, Angli 2-2 Zvicer, me 4 qershor 2012.

Golat me Kombëtaren

Rezultatet dhe Golat me kombëtaren Zvicerane

#	Data	Vendi	Kundërshtari	Goli	Rezultati	Kompedicioni
1	15 nëntor 2011	Stade Josy Barthel, Luxembourg City, Luksemburg	Luksemburgu	1–0	1–0	Ndeshje Miqësore
2	15 gusht 2012	Stadion Maksimir, Zagreb, Kroaci	Kroacia	1–0	4–2	Ndeshje Miqësore
3	7 shtator 2012	Stadion Stožice, Ljubljana, Slloveni	Sllovenia	1–0	2–0	Botërori 2014 – Kualifikueset
4	15 tetor 2013	Stade de Suisse, Bern, Zvicër	Sllovenia	1–0	1–0	Botërori 2014 – Kualifikueset

Trofe

Basel

• Super Liga Zvicerane: 2010–11, 2011–12
• Kupa e Zvicrës: 2011–12

Arsenal

• FA Cup: 2016–17,
• FA Community Shield: 2017, 2020

Bayer Leverkusen

• Bundesliga: 2023–24
• DFB-Pokal: 2023–24