Helena Kadare

Helena apo Elena Kadare (Fier, 1943) është një autore novelash dhe romanesh. Eshtë një ndër të paktat shkrimtare romanciere shqiptare, në vitet e regjimit komunist.

Helena Kadare
Lindi	1943 Fier, Mbretëria Shqiptare
Kombësia	Shqiptare
Shtetësia	Shqiptare
Profesioni	shkrimtare, përkthyese

Biografia

U lind në Fier, në gjirin e familjes Gushi që prejardhjen e kanë nga lagjja Varosh e Gjirokastrës.^[1] Ajo studioi letërsi në Univesitetin e Tiranës. Më pas ajo punoi në gazetari dhe gjithshtu si redaktuese në industrinë e botimeve. Helena Kadare ka jetuar në Paris me bashkëshortin e saj Ismail Kadare që prej vitit 1990. Vajza e tyre Besiana Kadare ështe Ambasadorja shqiptare e Kombeve te Bashkuara.

Veprimtaria

Një lindje e vështirë është romani i parë i publikuar nga një grua në Shqipëri. Një grua nga Tirana, është një nga romanet e saj më të lexuar.

Autore e shtatë vëllimeve, veprat e saj flasin per ënderrimet vajzërore, përjetimet e të qenit nënë e bashkëshorte. Gjithashtu eshtë një përkthyese cilësore e disa veprave të autorëve të njohur botërorë, kryesisht francezë. Helena eshte bashkëshortja e autorit të famshëm shqiptar, Ismail Kadare. Së fundmi është botuar nga Sh.B. Onufri libri biografik Kohë e pamjaftueshme, në të cilin rrëfen gjerësisht bashkëjetesën e saj me Kadarenë. Ne kete rrefim plot ngjarje qe dalin dhe e kapercejne te zakonshmen e nje jete te perbashket, shpaloset aktualiteti i nje gjysme shekulli qe ka pare apogjeun, dhe me pas, agonine dhe fundin e regjimeve komuniste, ne Europen Lindore.^[2]

Veprat

• Një lindje e vështirë, Tiranë: ndërmarrja e botimeve "Naim Frashëri", 1970;
• Një grua nga Tirana, Tiranë: MCM, 1994;
• Bashkëshortët, 2002;
• Kohë e pamjaftueshme, 2011;
• Krimineli nga Kadizi, Botime "Onufri", 2024