Krishtlindja

Krishtlindja, edhe Kërshëndellat apo shkurt Kshnellat ndër besimtarët e krishterë, është një festë fetare. Të krishterët e festojnë çdo vit më 25 Dhjetor ditëlindjen e Jezus Krishtit; në kishat e Lindjes festohet më 7 janar, për shkak të kalendarit Julian. Pas Pashkëve është festa më e rëndësishme për të krishterët.

Rëndësia e ditës së Krishtlindjes nisi të rritet dalngadalë pas kurorëzimit të Karlit të Madh në vitin 800, ditën e Krishtlindjes.

Sot dita e Krishtlindjes kremtohet me shfaqjen e skenës së lindjes së Krishtit, pemën e Krishtlindjes, shkëmbimin e dhuratave dhe Kartolinave, familjen e bashkuar, dhe ardhjen e Shën Kollit apo Plakut të Vitit të Ri në prag të Krishtlindjes apo mëngjesin e Krishtlindjes. Krishtlindja është festa në të cilën të krishterët dëshirojnë më shumë se kurrë paqe e dashuri në botë. Gjithashtu Krishtlindja është një periudhë që kalohet me familjen pasi bebi Jezus lindi pranë familjes së tij.

Lindja e Jezus Krishtit

Krishtlindja është festa e lindjes së Jezusit, i cili besohet nga të krishterët si Biri i Perëndisë dhe Perëndia vetë e mëshiruar, zbritur në tokë për të shlyer mëkatet e njerëzve dhe për ta kthyer atë në shtëpinë e Perëndisë. Sipas Ungjillit të Lukës dhe Mateut, Jezusi lindi nga Maria në Betlehem, ku ajo dhe i shoqi i saj Jozefi po pushonin rrugës për në vendlindjen e tyre, Nazaret, për të marrë pjesë në numërimin e mbarë popullsisë urdhëruar nga perandori August.

Për nxënësit e tij, lindja e Krishtit është parathënë nga profetësi të ndryshme sipas të cilave mesia do të lindte nga shtëpia e Davidit për të shpëtuar botën nga mëkati.

Remove ads

Data e lindjes se Jezusit

Datëlindja e Jezusit sipas të krishterëve besohet të jetë 25 dhjetori edhe pse ka dyshime për datën e saktë të lindjes pasi që ajo nuk përmendet në Dhiatën e re. Kjo feste është ndër festat më të dashura dhe të preferuara nga mbar bota krishtere apo e thënë më ndryshe edhe si datë e paqes.

Katolicizëm

Krishtlindja te katoliket dhe disa kisha ortodokse, përfshirë edhe ortodoksët shqiptarë (krahas kishave greke, rumune, bullgare, qipriote e tjera ) festohet me 25 dhjetor per shkak te kalendarit gregorian.

Ortodoksi

Tek një pjesë e kishave ortodokse dhe kishat e tjera lindore Krishtlindja festohet ne 7 janar për shkak të kalendarit julian.

Ungjillizëm

Njëlloj si me katolikët gjithashtu edhe tek evangjelistët dhe kishat protestante Krishtlindja festohet më 25 dhjetor.