Mia Khalifa

Mia Khalifa (/miːə kəˈliːfə/; arabisht: ميا خليفة [mijaː χaliːfa(h)]; lindur më 10 shkurt 1993), është një personalitet libanez-amerikan i mediave sociale, ^[1] komentator sportiv dhe ish-modele e kamerave.^[2] Ajo ishte një aktore pornografike që nga viti 2014 deri në 2015.^[3]

Mia Khalifa
ميا خليفة
Lindi	10 shkurt 1993 (32 vjeçe) Bejrut, Liban
Shkollimi	University of Texas at El Paso (BA)
Profesioni	Aktore e filmit pornografik (dikur) modele e kamerës personalitet i internetit dhe komentatore sportive
Vite aktiviteti	2014–vijon

Ajo filloi të aktrojë në pornografi në tetor 2014, dhe deri në dhjetor u rendit interpretuesja më e shikuar në faqen e internetit Pornhub. Zgjedhja e saj në karrierë u prit me polemika në Lindjen e Mesme, veçanërisht për një video në të cilën ajo kryente akte seksuale ndërsa kishte veshur hixhabin islam. Pas tre muajsh, Khalifa u largua nga industria pornografike për të ndjekur interesa të tjera.

Jeta e hershme

Khalifa lindi më 10 shkurt 1993, në Bejrut, Liban dhe u transferua me familjen e saj në Shtetet e Bashkuara në Janar 2001,^[4][5] duke lënë shtëpinë e tyre në vazhdën e konfliktit të Libanit të Jugut. Familja e saj është katolike dhe ajo ishte rritur në atë fe, në atë që e përshkruan si një shtëpi "shumë konservatore", edhe pse nuk praktikon më. ^[6] Khalifa ndoqi një shkollë private franceze në Beirut, ku mësoi të flasë anglisht. Pasi u transferua në Shtetet e Bashkuara, ajo jetoi në Montgomery County, Maryland dhe luajti lakros në shkollën e mesme. Khalifa ndoqi shkollën e mesme në Northwest High School.^[1] Khalifa ka folur për ngacmimin në shkollë të mesme ngaqë ishte "vajza më e errët dhe më e çuditshme atje", e cila u intensifikua pas sulmeve të 11 shtatorit.