Petro Poga

Petro Poga (Erind, 1860 - shtator 1944) ka qenë një nga figurat e Rilindjes Kombëtare Shqiptare dhe më pas ministër i shtetit shqiptar.

Petro Poga
Ministër i Drejtësisë
Në detyrë 4 dhjetor 1912 – 22 janar/14 mars 1914
Paraprirë nga	Shpallja e Pavarësisë
Pasuar nga	Mufit Libohova
Në detyrë 1915 25 dhjetor 1918 – 27 janar 1916 29 janar 1920
Paraprirë nga	Sali Toro Avni Dabulla
Pasuar nga	Masar Asllani Hoxha Kadri
Në detyrë 1 shkurt – 23 shtator 1925
Paraprirë nga	Stavro Vinjau
Pasuar nga	Milto Tutulani
Në detyrë 12 shkurt – 20 tetor 1927
Paraprirë nga	Josif Kedhi
Pasuar nga	Iljaz Vrioni
Zëvendësisht ministër i Arsimit
Në detyrë 1 shkurt – 13 mars 1925
Paraprirë nga	Kostaq Kotta
Pasuar nga	Xhafer Ypi (2 korrik 1927)
Të dhëna vetjake
U lind më	1860 Erindi, Perandoria Osmane
Vdiq më	shtator 1940 Erindi, Mbretëria Shqiptare (1943–44)
Nënshtetësia	Shqiptar
Arsimimi	Mestebi Sulltan
Punësimi	gjyqtar, avokat

Biografia

Lindi në Erind të Gjirokastrës ku edhe ndoqi mësimet e para. Shkollimin e lartë e ndoqi dhe mbaroi në Stamboll në shkollën e drejtësisë "Mestebi Sultan" më 1883. Njihte mirë disa gjuhë të huaja si frëngjisht, gjermanisht, greqisht dhe turqisht. Në Stamboll bashkëpunoi me vëllezërit Naim Frashëri, Sami Frashëri, Abdyl Frashëri, si dhe me Jani Vreton, Koto Hoxhin, Shahin Kolonjën, Hasan Tahsinin dhe Ismail Qemalin. Në vitin 1884 themeloi dhe botoi gazetën "Drita" të Stambollit, dhe të së përkohshmes "Promitheu" në gjuhën greke. Më 1883-1885 vazhdoi rendin e dytë të shkollës së drejtësisë dhe në periudhën 1885-1886 punoi si avokat në kryeqytetin perandorak dhe dha mësim lëndën e historisë në liceun Stavrodhromit në Pera.^[1]

Në vitet 1886-1912, Poga punoi si avokat dhe këshilltar lirgjor i Prefekturës së Gjirokastrës. Roli i tij më i dukshëm u shfaq në themelimin e Klubit Patriotik "Drita" të Gjirokastrës, të cilin me vone e udhëhoqën atdhetarët Hasan Xhiku, Idriz Guri, Hysen Hoxha dhe Elmaz Boçe. Më 1912 qe përfaqësues i Gjirokastrës në Kuvendin e Vlorës. Ku nënshkroi Shpalljen e Pavarësisë së Shqipërisë më 28 nëntor 1912. Në mbledhjen e Kuvendit Kombëtar të Vlorës, Poga u caktua Ministër i Drejtësisë si pjesë e Qeverisë së Parë Shqiptare.

Pas veprimtarisë në Vlorë, shkoi në Durrës ku iu dha posti i Ministrit të Drejtësisë në qeverinë Përmeti nën Princ Vidin. U emërua nënkryetar i Gjykatës së Diktimit dhe kryetar i komisionit juridik të formuar nga Vidi. Së bashku me avokatët e shquar Kristaq Tutulani dhe Feim Mezhgorani harton Statusin që shkëputi Gjykatën Shqiptare nga juridiksioni i Perandorisë Osmane.

Më 1916-1918 punoi si avokat në Tiranë. Më 25 dhjetor, 1918 ishte përfaqësues i Gjirokastrës në Kongresin e Durrësit, ku u zgjodh nënkryetar dhe anëtar i kabinetit të Përmetit.

Më 1920-23 u kthye të punonte avokat në Gjirokastër. U zgjodh deputet në çdo legjislaturë nga 1923 deri më 1939. Mendja e tij u shfaq edhe në hartimin e Legjislacionit Shqiptar dhe ndërtimit të Kushtetutës së Mbretërisë më 1928. Pas 1939 u tërhoq nga jeta politike dhe qëndroi në fhsatin e tij të lindjes, ku vdiq në shtator 1944.^[1]