Twitch

Twitch është një shërbim amerikan i transmetimit të drejtpërdrejtë me fokus në transmetimin e video lojërave, duke përfshirë garat e esporteve, krahas tjerash transmetimi i muzikës, përmbajtjes kreative, dhe emisione të "jetës reale". Twitch vepron në kuadër të Twitch Interactive, një filiale e kompanisë Amazon.^[4] Ai u paraqit në qershor 2011 si devijim i platformës gjeneraliste të transmetimit Justin.tv.^[5] Përmbajtja në Twitch mund të shikohet drejtpërdrejt, ose më vonë përmes VOD. Lojërat e shfaqura në ballinën e tanishme të Twitch-it renditen sipas preferencës së publikut dhe përfshijnë zhanret si lojërat e strategjisë në kohë reale (RTS), lojërat luftarake, lojërat garuese, dhe lojërat me të shtëna (first-person shooter).^[6]

Twitch

Type of business	Subsidiary
Type of site	Transmetimi drejtpërdrejt VOD
Predecessor(s)	Justin.tvStampa:R/ref/sandbox
Owner	Amazon.com, Inc.
Founder(s)	Justin Kan Emmett Shear Michael Seibel Kyle Vogt Kevin Lin[1]
Key people	Dan Clancy (CEO)[2] Laura Lee (CCO)[3]
URL	twitch.tv
Commercial	Po
Registration	Opsional
Launched	6 qershor 2011; 14 vite më parë (2011-06-06)
Current status	Aktiv

Popullariteti i Twitch-it e mbuloi plotësisht atë të homologut gjeneralist. Në tetor 2013, webfaqja pati 45 milionë shikues unikë^[7], dhe deri në shkurt 2014 u konsiderua burimi i katërt më i madh i trafikut online në SHBA. Megjithatë kompania prind e Justin.tv u ribrendua si Twitch Interactive për ta reflektuar atë ndryshim fokusi — Justin.tv u mbyll në gusht 2014.^[8] Po atë muaj, shërbimi u ble nga Amazon për 970 milionë dollarë amerikanë,^[9][10] që solli më vonë bashkëveprimin e tij me Amazon Prime, shërbimin e tij me abonim. Twitch bleu në 2016 Curse LLC, një operator të komuniteteve online rreth video lojërave,^[11] dhe solli mënyra për t'i blerë lojërat përmes lidhjeve në transmetime bashkë me një program që i lejoi transmetuesve të marrin komisione mbi shitjet e lojërave që i luajnë.

Kah viti 2015, Twitch pati më shumë se 100 milionë shikues në muaj.^[12] Në 2017, Twitch ishte prijës i shërbimeve për transmetimin e video lojërave në SHBA, dhe pati avantazhin mbi YouTube Gaming, që e mbylli aplikacionin vetanak në maj 2019.^[13][14][15] Që prej shkurtit 2020^[update], Twitch pati 3 milionë transmetues aktiv çdo muaj, me 15 milionë përdorues aktiv çdo muaj dhe afro 1.4 milionë përdorues njëkohësisht.^[16][17] Që prej majit 2018^[update], Twitch pati mbi 27,000 kanale partnere.^[16][18] Që prej tetorit 2023^[update], Twitch ishte webfaqja e 37-të më e vizituar në botë, me 20.26% të trafikut duke ardhur nga SHBA, pastaj 7.08% nga Gjermania, dhe 5.49% nga Koreja Jugore.^[19][20]