1920

10. Januoar: Die in Versailles unnerteekende Free-Ferdraach trät in Krääft. Deertruch wäd uk die ap dät 14-Punkte-Programm fon Woodrow Wilson basierjende Foulke-Buund gruunded, die unner dän Iendruk fon dän Eersten Waareldkriech ju Bestimmenge häd, dän Free ap loange Tied tou seekerjen.
24. Februoar: Truch Uumebenaamenge fon ju Foargunger-Paatäi DAP wäd ju NSDAP in't "Hofbräuhaus" in München gruunded.
12. Meerte: Ap dän leete Äiwend un in ju Noacht marskierje moiterjende Rieksweer-Offisiere mäd hiere Ljuude ätter Berlin wai. Die ousätte Generoal Walther von Lüttwitz stjuurt ju Operatsjoon, ju dän Begin fon dän Kapp-Putsk bieldet.
13. - 17. Meerte: Putsk fon dän Generoalloundskupsdirektor Wolfgang Kapp, die mäd sien „Brigoade Ehrhardt“, een foarmoalich Fräikorps un wäkke Troppendeele fon ju Rieksweer Berlin besät un ju Regierenge tou ju Flucht twingt.
15. Meerte: In't Düütske Riek rakt dät as Reaktion ap dän Kapputsk dän tou juuns Dai tou grootsten Generoal-Straik. 12 Millionen Moanskene foulgje aan Aproup fon ferskeedene Organisatsjoone un Paatäie. In't Wääste bräkt die Ruhr-Apstound uut. Ätter 'n poor Deege mouten do Kapp-Putskere toureeke.
2. April: Eenhaide fon ju Rieksweer marskierje in't Ruhr-Rebät ien, uum dän Apstound fon do Kommunisten deel tou sloon, die as Reaktsjoon ap dän Kapp-Putsk uutbreeken is.
Moai: Die Irakiske Apstound juun do britiske Kolonioal-Heeren begint.
11. Moai: Adolf Hitler boalt ap een Paatäi-Fersammelenge fon ju näie NSDAP.
4. Juni: Unnerskrift unner dän Free-Ferdraach fon Trianon.
6. Juni: Eerste Rieksdaisköäre: Ju Weimarer Koalitsjoon ferljust hiere Moorhaid un dät rakt stäärke Winste foar USPD un gjuchte Paatäie (DNVP, DVP).
15. Juni: Noudslääswiek kumt ätter dän Uutgong fon do Foulksoustämmengen in ju noudelke Soone fon dän 10. Februoar tou Deenemark.
13.-25. August: In dän Poolsk-Sowjetisken Kriech rakt dät ju wichtige Slacht fon Warschau, deeroane do Polen ju Uurwinnenge roakje.
10. Oktober: Italien annektiert Suudtirol ap Gruund fon dän Ferdraach fon Saint-Germain.
Oktober: Die Irakiske Apstound juun ju britiske Kolonioalmoacht gungt tou Eende, do Briten winne.
10. November: Michael Mayr wäd eersten Buundeskanzler fon Aastriek.

Jierhunnert:	19. Jierhunnert · 20. Jierhunnert · 21. Jierhunnert
Jier:	< · 1918 · 1919 · 1920 · 1921 · 1922 · >

Kalännere
Gregorioansken Kalänner	1920 MCMXX
ab urbe condita	2673
Armeensken Kalänner	1369 ԹՎ ՌՅԿԹ
Chineesken Kalänner	4616 – 4617 丙未 – 丁申
Äthiopisken Kalänner	1912 –1913
Hebräisken Kalänner	5680 – 5681
Hindu-Kalännere
- Vikram Samvat	1975 – 1976
- Shaka Samvat	1842 – 1843
Iroansken Kalänner	1298 –1299
Islamisken Kalänner	1339 –1339

Foarfaale

Tou Waareld keemen

Stuurwen

Wikiwand - on