Kjuusbäie

Ju Kjuusbäie af Stikbäie (Ribes uva-crispa, syn.: Ribes grossularia; düütsk: "Stachelbeere") is een besunnere Oard uut dän Sleek fon do Säntjansbäien (Ribes). Ju kumt in Eurasien un dät noudelke Afrikoa foar, man ju natüürelke Ferspreedengs-Ruumte is nit niep fäästtoustaalen, uumdät sik do wüülde Plonten oafter mäd ferwüülderte Tucht-Foarmen fermisked häbe. Ju woakst as Struuk, kon gräine af roode Bäien häbe un sjucht uurs uut as do maaste Säntjansbäien, daach rakt dät mäd Ribes sardoum een äänelke Oard, ju bloot ap Sardinien foarkumt. Een Miskenge uut Kjuusbäien un Swotte Säntjansbäien beteekent me ap Düütsk as "Jostabeere".

Kjuusbäie
Kjuusbäie (Ribes uva-crispa)
Systematik
Oardenge: Saxifragales Foamielje: Grossulariaceae Sleek: Säntjansbäien (Ribes) Oard: Kjuusbäie (Ribes uva-crispa)

Bielden

• 
  Aan Struuk fon wüülde Kjuusbäien
• 
  Blöite
• 
  roode Kjuusbäien
• 
  gräine Kjuusbäien

Sjuch uk

• Bäien
• Plonten

 Commons: Stachelbeere – Bielden, Videos un Audiodoatäie