Surah Al-Jinn

Surat Al-Jinn (Basa Arab: الجنّ,"Jin") nyaéta surat ka-72 dina Al Qur'an. Surat ieu kaasup surat Makkiyah jeung kawengku 28 ayat. Dingaranan "al-Jinn" nu hartina "Jin" tina kecap "al-Jinn" nu aya dina ayat mimiti ieu surat. Diécéskeun yén aya Jin minangka mahluk goib nu geus ngadangukeun bacaan Al Qur'an tur tumut ajaranna.

Al Jinn الجنّ
Informasi
Golongan	Makiyyah,
Surah ka	72
Juz	Juz 29
Waktu turun wahyu	40 [1]
Statistik
Jumlah ayat	28 ayat
Jumlah kecap	285
Jumlah aksara	959 [2]

Eusi Poko ieu Surat

Eusi pokok ieu surat, di antarana:

• Pangaweruh Nabi Muhammad Saw tumali jeung jin ti Alloh.
• Jin aya nu iman ka Alloh, ogé aya nu nyaliwang.
• Jangji Alloh ka jin jeung manusa nu lempeng.
• Alloh bakal ngariksa Nabi Muhammad saw tur wahyu-Na.

Ayat jeung tarjamah

قُلْ أُوحِيَ إِلَيَّ أَنَّهُ ٱسْتَمَعَ نَفَرٌ مِّنَ ٱلْجِنِّ فَقَالُوۤاْ إِنَّا سَمِعْنَا قُرْآناً عَجَباً (1) Ucapkeun ku anjeun, geus diwahyukeun ka kuring saéstuna sagolongan jin geus ngadéngé pokna: Saéstuna abdi sadaya ngadangu Al Qur'an nu ahéng.
يَهْدِيۤ إِلَى ٱلرُّشْدِ فَآمَنَّا بِهِ وَلَن نُّشرِكَ بِرَبِّنَآ أَحَداً (2) Ieu (Al Qur'an) nungtun ka jalan nu bener, ku kituna, abdi sadaya iman (ka Alloh) teu aya sisilihan kanggo Mantena.
وَأَنَّهُ تَعَالَىٰ جَدُّ رَبِّنَا مَا ٱتَّخَذَ صَاحِبَةً وَلاَ وَلَداً (3) Jeung Anjeun nu Maha Luhur, Gusti abdi saya nu teu ngagaduhan istri.
وَأَنَّهُ كَانَ يَقُولُ سَفِيهُنَا عَلَى ٱللَّهِ شَطَطاً (4) Jeung aya di antara abdi saya nu kurang akalna ngomong ka Alloh nu nyaliwang.

Tadabbur jeung Tadzakkur

Alloh SWT dina ieu surat maparin ka Nabi Muhammad saw pangaweruh nu patali jeung bangsa jin.^[3] Aya sagolongan bangsa jin nu ngadangu Al Qur'an tuluy tumut kana pituduhna.