Cucurut

Cucurut nyaéta sato mamalia anu asalna tina kulawarga Soricidae. pangawakanna kawas beurit, mibanda 290 spésiés salahsahiji runtuyanna tayalian cucurut imah (Suncus murinus L.). Cucurut sakapakeung sok katempo lumpat ngaliwat diburuan atawa diapur, ieu sato remen sok disebut beurit, pedah awak jeung buluna méh sarua pisan jeung beurit.^[1]

Cucurut Temporal range: Middle Eocene to Recent
Celurut rumah (Suncus murinus)
Klasifikasi ilmiah
Karajaan:	Animalia
Filum:	Chordata
Kelas:	Mammalia
Ordo:	Soricomorpha
Kulawarga:	Soricidae G. Fischer, 1814
Subfamilia
Crocidurinae Myosoricinae Soricinae

Cucurut jeung beurit sanajan pangawakanna sarua, sabenerna duanana henteu aya patula-patalina dina runtuyanna malahan beurit jeung cucurut béda ordona.^[1] Cucurutmah kaasup kana ordo Soricomorpha, lain Rodentia (hewan pengerat). Cucurut kapanggih hirup di sakuliah dunya, kajaba di kutub kaler jeung kutub kidul.^[1]

Ciri mandiri

Sanajan saliwat kawas beurit, cucurut mibanda babangus anu panjang tur méncos.^[1] Kaasup kana insectovora, kabeukina ngakan gegeremet jeung sato leutik séjéna.^[1]

Ciri mandirina curut di mana ngaliwat sok bari disada ciciricitan, kalawan ninggalkeun bau hapeuk nu teu pikageunaheun.^[2]