Deep Purple

Deep Purple nyaéta grup musik hard rock asal Inggris anu dibentuk taun 1968 di Hertfordshire ku Chris Curtis, Jon Lord, jeung Ritchie Blackmore^[1]. Awalna ieu grup dingaranan Roundabout, sedengkeun ngaran Deep Purple sorangan dicokot ti judul lagu anu pangdipikaresepna ku ninina Ritchie Blackmore^[1]. Chris Curtis kaluar saacan ieu grup ngarilis album, tuluy Jon jeung Ritchie ngajakan Nick Simper, Rod Evans, jeung Ian Paice^[1].

Deep Purple (2004), ti kénca ka katuhu, Roger Glover, Ian Paice, Ian Gillan, Don Airey jeung Steve Morse

Sababaraha ngaran musisi kasohor pernah jadi personil dina ieu grup, di antarana: dina posisi vokal aya David Coverdale jeung Joe Lynn Turner, sedengkeun di posisi bass aya Glenn Hughes jeung Tommy Bolin katut Joe Satriani dina posisi gitar^[1]. Deep Purle geus naratas karirna salila 40 taun kalayan personil nu panganyarna nyaéta Ian Gillan (vokal), Steve Morse (gitar), Roger Glover (bass), Don Airey (keyboard), jeung Ian Paice (drum)^[1]. Deep Purple pernah kacutat salaku the world's loudest band dina buku rékor dunya, guiness^[1].

Diskografi Album

Deep Purple geus ngarilis loba album, di antarana:

• Shades of Deep Purple (1968)
• The Book Taliesyn (1968)
• Deep Purple (1969)
• Deep Purple in Rock (1970)
• Fireball (1971)
• Machine Head (1972)
• Who Do We Think We Are (1973)
• Burn (1974)
• Stormbringer (1974)
• Come Taste the Band (1975)
• Perfect Strangers (1984)
• The House of Blue Light (1987)
• Slaves and Masters (1990)
• The Rages On... (1993)
• Purpendicular (1996)
• Abandon (1998)
• Bananas (2003)
• Rapture of The Deep (2005)^[2]
• Now What?! (2013)
• Infinite (2017)
• Whoosh! (2020)
• Turning to Crime (2021)
• =1 (2024)