Gerak

Dina fisika, gerak boga harti parobahan lokasi hiji barang sacara sinambung. Gerak mangrupa hasil tina gaya nu diterapkeun. Gerak digambarkeun ku istilah-istilah laju, akselerasi, pamindahan, sarta waktu.^[1] Laju hiji obyék henteu bisa robah kajaba lamun dikeunaan ku hiji gaya, saperti dijelaskeun ku hukum gerak Newton nu kahiji. Moméntum hiji obyék pakait langsung jeung massa obyék kasebut jeung lajuna, sarta moméntum total sakabéh obyék dina hiji sistem katutup (sistem anu teu dipangaruhan ku gaya luar) henteu robah nurutkeun waktu, sarta dijelaskeun ku hukum konsérvasi moméntum.

Gerak ngalibetkeun parobahan posisi, saperti gerak ninggalkeun setasiun Yongsan sacara gancang.

Hiji barang anu henteu gerak disebut minangka cicing, tanpa gerak, henteu mobil, setasionér, atawa miboga posisi (invarian waktu) tetep.

Wanda gerak

• Gerak harmonik sederhana - gerak anu diakselérasi sacara tetep nuju ka titik tengah (contona ayuan péndulum).
• Gerak liniér - gerak anu nurutkeun garis atawa liliwatan nu lempeng, nu pamindahanana persis sarua jeung trayéktorina.
• Gerak muter (contona orbit planét-planét)

Tempo ogé

• Hukum gerak Newton