Iga

Iga; ribs (Latin: costae) nyaéta tulang melengkung anu perenahna aya dina harigu urang.^[1]Tulang iga kagolongkeun kana tulang panjang, mibanda dua tungtung sarta hiji watang.^[1] Tungtung vertebral atawa posterior iga mibanda puhu, beuheung, jeung tuberkel (ngajendul). Tungtung interior atawa tungtung sternal aya anu dekok salaku pangait jeung tulang rangu, wujudna gepéng tur ipis.^[1]

Tulang iga (kawas kurung) . Gray's Anatomy of the Human Body, édisi 20, 1918.

Numutkeun buku "Anatomi & Fisiologi U.Ps" tulang iga manusa aya tilu bagian: Tulang iga sajati aya tujuh pasang, tulang iga henteu sajati aya 3 pasang, jeung tulang iga ngalayang aya dua pasang. ^[2]

Tulang iga mibanda dua sisi, dina istilah anatomi disebutna interna jeungexterna. ^[2]{ Interna maksudna, sisi tulang iga anu nyingareup ka jero dada atawa kana organ-organ di jero dada. Externa maksudna, sisi tulang iga anu nyingareup ka luar dada urang. ^[2]

Tulang iga palebah posterior leuwih kuat/pageuh napel jeung tulang tonggong, béda jeung tulang palebah tungtung anteriorna mah bisa robah-robah kaluar ka jerona. Nya ku ieu sipatna, ngajadikeun ngarénghap jadi leuwih laluasa.^[2]

Bagéan - bagéan tulang iga

1. Tulang rangu tayalian tulang hialin anu nyambungkeun iga kana stenum, sipatna anu elastis ieu méré kalaluasaan mangsa usik malik.
2. Interkostal (ruang di antara iga)