Jayasingawarman

Jayasingawarman nyaéta resi/pandita anu ngadegkeun Krajaan Tarumanagara mingpin pamaréntahan 358 – 382 (ngaréksabandasaon). anjeunna saurang guru resi/pandita ti Salankayana di India anu bumén-bumén ka Nusantara ku lantaran nagarana diranjah jeung di serang nepika bobolér ku Maharaja Samudragupta ti Karajaan Magada. anjeunna minantu Raja Dewawarman VIII anu dipusarakeun di sisi susukan Gomati (Bekasi).

Dina mangsa kumawasa, puseur pamaréntahan dipindahkeun anu tadina ti Rajatapura ka Tarumangara. RAJATAPURA atawa SALAKANAGARA (dayeuh Pérak), anu disebut Argyre ku Ptolemeus dina taun 150, anupernahna di ''Teluk Lada'', Pandéglang. Ieu dayeuh nepi ka taun 362 mangrupa puseur Raja-raja Dewawarman (ti mimiti Dewawarman I - VIII).

Raja-raja Tarumanagara

Dua arca Wisnu kapanggih ti Cibuaya, Karawang. Tarumanagara abad ka-7 Masehi. Mahkotana nu siga tabung sarupi gaya seni Khmer Kamboja.

1. Jayasingawarman 358-382
2. Dharmayawarman 382-395^[1]
3. Purnawarman 395-434
4. Wisnuwarman 434-455
5. Indrawarman 455-515
6. Candrawarman 515-535
7. Suryawarman 535-561
8. Kertawarman 561-628
9. Sudhawarman 628-639
10. Hariwangsawarman 639-640
11. Nagajayawarman 640-666
12. Linggawarman 666-669