Jukut

Jukut (Basa Indonésia: rumput, Basa Banjar: kumpay, Basa Inggris: grass, Basa Jawa: suket, Basa Walanda: gras) nyaéta tutuwuhan pendék nu sering aya di buruan, sisi jalan atawa lapangan.^[1] Jukut dianggap minangka gulma nu ngaganggu pepelakan lamun aya di sabudeureun pepelakan nu ngahaja dipelak, tapi mangrupa asét utama lapangan maén bal. Mangpaat séjén tina jukut nyaéta pikeun hiasan taman jeung parab ingon-ingon hérbivora.

Jukut aya nu liar jeung aya ogé anu dibudidayakeun pikeun diala mangpaatna, misalna keur jadi alas lapang olah raga, taman jeung parab. Jukut anu dibudidayakeun pikeun taman di antarana jukut gajah, jukut gajah mini, jukut babat, jeung jukut jepang^[2][3],