Koaci

Koaci (瓜籽 guā zǐ, siki waluh) nyaéta kadaharan anu dijieun tina siki samangka, waluh gedé, kembang sarangéngé, beunang nyangray nepika garing tuluy diuyahan.^[1] Sangkan leuwih seungit, mangsa nyangray koaci sok ditambahkeun bahan-bahan kayaning: daun pandan, séréh, kayu manis, jeung sajabana.^[2] Koaci beunang nyangray hasilna bisa ditunda dinawaktu anu kawilang lila tur henteu ngarandapan karuksakan atawa tengi.^[1]

Koaci kembang sarangéngé

Kandungan gizi anu aya dina koaci gumantung kana bahan asal tina koacina, upama Koaci siki kembang sarangéngé kelirna semu hideung, mibanda kandungan vitamin B kompleks, vitamin B6, jeung vitamin E.^[3] Kandungan séjénna taya lian minyak sarangéngé anu mibanda asam lemak tak jenuh (88%), asam linoleat ti mimiti 44% nepikeun ka 72%, protein koaci siki samangka jeung siki kembang sarangéngémasing-masing 28,3 g/100 g jeung 22,8 g/100 g.^[1] Kandungan lemak dina siki koaci samangka 47,4 g/100 g jenu siki kembang sarangéngé 49,6 g/100 g.^[1]