Kode genetik

Kode genetik nyaéta sakumpulan aturan anu dipaké ku sél pikeun marjamahkeun émbaran anu dikode dina materi genetik (runtuyan triplét nukléotida DNA atawa RNA anu katelah kodon) jadi protéin. Translasi dipigawé ku ribosom, anu numbu-numbukeun asam amino protéinogenik dina runtuyan anu ditangtukeun ku mRNA, maké molekul tRNA ) pikeun mawa asam amino sarta maca tilu nukléotida mRNA sakaligus. Kode genetik méh sarua di sakabéh organisme sarta bisa dipidangkeun dina wangun tabel basajan 64 éntri.

Antayan kodon nyanghareupan mRNA. Unggal kodoon ngandung tilu nukléotida, anu mawa hiji asam amino. Nukléotida ditingkes jadi hurup A, U, G jeung C. Ieu molekul mRNA bakal nitah ribosom pikeun nyintésis protéin luyu jeung ieu kode.

Kodon nangtukeun asam amino naon anu bakal ditambahkeun nalika sintésis protéin. Iwal ti sababaraha,^[1] hiji kodon tilu nukléotida dina runtuyan asam nukléat nangtukeun hiji asam amino. Ampir kabéh gén dikode ku skéma tunggal (baca tabel kodon RNA). Anapon kitu, aya sababaraha anu teu akur jeung ieu skéma, di antarana baé génom mitokondria).

Baca ogé

• Tabel kodon