Musium

Musium atawa muséum nyaéta gedong pikeun nongtonkeun rupa-rupa barang kuna atawa kahot, ari di Jakarta sok disebut Gedong inten atawa Gedong Gajah^[1].

musium textil

Rupa-Rupa Musium

Numutkeun asal koléksi

• Musium Umum, nyaéta musium anu koléksina téh aya patalina kana disiplin ilmu, téhnologi jeung seni^[2].
• Musium Husus, nyaéta musium anu koléksina ngan saukur patali jeung sawidang disiplin ilmu^[2].

Numutkeun Kalungguhanana

• Musium tingkat Nasional, nyaéta musium anu koléksina ti sakuliah nusantara^[2].
• Musium tingkat Regional, nyaéta musium anu koléksina ti wilayah provinsi anu tangtu^[2].
• Musium tingkat Lokal, nyaéta musium anu koléksina ti wilayah kabupatén atawa kotamadya nu tangtu^[2].

Numutkeun nu ngokolakeunana

• Musium Pamaréntah, nyaéta musium anu dikokolakeun jeung diurus ku pamaréntah^[2].
• Musium Swasta, nyaéta Musium anu dikokolakeun jeung diurus ku pihak swasta^[2].

Numutkeun wangunanana

• Musium Terbuka, nyaéta musium anu objékna disimpen di rohangan anu terbuka^[2].
• Musium Tertutup,nyaéta musium anu objékna disimpen di rohangan anu tertutup^[2].
• Kombinasi tina dua wangun nu geus disebutkeun saméméhna^[2].

Rupa-Rupa Pengunjung Musium

• Tipe barudak, biasana leuwih resep ningalian, nyo'o rupa-rupa barang , jeung teu pati resep maca pedaran ngeunaan barang-barang nu aya^[2].
• Tipe nu nyorangan, datangna ngan saukur sakeudeung ukur ningalian jeung maca pedaran hungkul, leuwih resep kaulinan anu sifatna interaktif^[2].
• Tipe kelompok anu sapasang-sapasang, biasana rada lila kunjunganana, leuwih resep maca pedaran sangkan leuwih jéntré, teu pati resep kana kaulinan interaktif jeung teu resep ngobrol jeung guide anu aya di musium^[2].
• Tipe komunitas sosial, datangna sakeudeung-sakeudeung, resep ngabanding-bandingkeun antara gagasan jeung pedaran ka guide, teu pati resep maca pedaran sacara taliti, jeung tara ngobrol^[2].