Suji

Suji (Dracaena angustifolia) nyaéta salah sahiji tutuwuhan tina kulawarga Asparagaceae.^[1] Suji asalna ti Guinéa.^[2] Di Indonésia, tutuwuhan ieu geus lila dipikawanoh.^[2] Cai daun suji bisa dipaké pikeun méré warna kana kuéh, misalna kuéh kelepon, ager, jeung sajabana. Salian pikeun pawarna, tutuwuhan ieu bisa dipaké ogé salaku tutuwuhan hias.^[2]

Suji
Habitus suji
Klasifikasi ilmiah
Karajaan:	Plantae
Divisi:	Magnoliophyta
Kelas:	Liliopsida
Ordo:	Asparagales
Kulawarga:	Asparagaceae
Génus:	Dracaena
Spésiés:	D. angustifolia
Ngaran binomial
Dracaena angustifolia (Medik.) Roxb.

Ieu tutuwuhan kaasup perdu ngadeg atawa tangkal leutik nu jangkungna leuwih ti 60 cm, miboga cabang loba, Daunna wangun pita atawa lansét, nyempit di handap dasar palapah, nyungcung pisan.^[3] Sistim kembang mangrupa malai, miboga cabang, panjang leuwih ti 75 cm, kembang warna kakonéng-konéngan nepi ka bodas.^[3] Buahna buleud miboga tilu cuping, diameter 1,5-2,5 cm, warna jingga caang , eusi 1-3 siki.^[3] Tutuwuhan ieu miboga sababaraha ngaran daérah, saperti pendusta alam (Ambon);^[3]