Suluk

Suluk nyaéta istilah anu mindeng digunakeun dina babaran ngeunaan pagelaran wayang; yén kakawén anu biasa dihaleuangkeun ku dalang mangrupa purwaka téh saéstuna ngandung ma'na suluk, siloka, atawa perlambang.^[1] Ku kituna, istilah suluk téh dikeunakeun kana wacana puisi anu eusina ngandung siloka; luhur anjénna sabada disurahan atawa dima'naan.^[1]

Hartina, siloka mangrupa éksprési nu dipak dina wangun lambang jeung métafora. Tangtu waé, unggal siloka lain ngan saukur méré rupa-rupa tafsir, tapi ogé bisa ngabalukarkeun salah harti lamun ditafsirkeun sacara salah jeung sagawayah.^[2]