Usum tiris

Usum tiris atanapi usum salju mangrupikeun waktos anu paling tiris di daérah iklim kutub jeung iklim sedeng atawa subtropis. Usum ieu ogé salah sahiji tina opat musim di nagara beriklim sedeng atanapi subtropis. Kusabab sumbu bumi miring kira-kira 23,5 darajat, ieu nyababkeun musim-musim robah di sakuliah bumi. Usum tiris lumangsung nalika hiji hémisfér ngajauhan panonpoé. Unggal budaya manusa gaduh pandangan sareng tanggalan anu béda-béda ngeunaan awal sareng akhir usum tiris. Sababaraha urang ngahubungkeun eta jeung cuaca jeung hawa di hiji wewengkon.

Leuweung katutupan salju dina usum tiris

Sacara astronomis, usum di Hémisfér Kidul dimimitian dina 21 Juni nepi ka 23 Séptémber sarta di Hémisfér Kalér dimimitian ti 22 Désémber nepi ka 21 Maret. Sacara météorologi, usum di Hémisfér Kidul dimimitian ti 1 Juni nepi ka 31 Agustus sarta di Hémisfér Kalér dimimitian dina 1 Désémber nepi ka 28/29 Pébruari. Sacara kalénder surya, usum tiris di Hémisfér Kidul dimimitian dina 1 Méi nepi ka dina 31 Juli sareng di Hémisfér Kalér dimimitian dina 1 Nopémber nepi ka dina 31 Januari. ^[1]