Damian Denis Dallu

Damian Denis Dallu (alizaliwa 26 Aprili 1955) ni askofu wa Kanisa Katoliki kutoka Tanzania, ambaye anahudumu kama Askofu Mkuu wa Jimbo kuu la Songea, Tanzania. Aliteuliwa kuwa Askofu Mkuu tarehe 14 Machi 2014 na Papa Fransisko na alikabidhiwa rasmi jukumu hili tarehe 18 Mei 2014.

Kabla ya kuwa Askofu Mkuu wa Songea, alihudumu kama Askofu wa Jimbo Katoliki la Geita, Tanzania. Aliteuliwa kuwa askofu wa Geita tarehe 14 Aprili 2000 na Papa Yohane Paulo II, na alipewa daraja hiyo na Kardinali Polycarp Pengo na kuwekwa rasmi katika wadhifa huo tarehe 30 Julai 2000.^[1]