Frida Amani

Frida Amani (anajulikana kama Frida Amani Bakula, amezaliwa Agosti 4, 1995) ni rapamwimbaji, mtunzi wa nyimbo, mwanamazingira, mwanaharakati, na mtu wa media wa Tanzania ^[1]. ^{[2] [3] [4]}

Frida Amani alianza safari yake ya muziki akiwa na umri wa miaka 7, ambapo alionyesha kipaji chake kwenye maonyesho ya kanisani. Mnamo mwaka 2014, alitoa wimbo wake wa kwanza “Watasubiri,” ambao ulipata umaarufu katika vituo vya redio mbalimbali mkoani Arusha. ^[5]

Mafanikio

Frida alipata kutambulika kitaifa mwaka 2015 aliposhiriki shindano la Bongo Star Search, akimaliza katika nafasi ya tatu. Wakati wa shindano hilo, onyesho lake la wimbo wa Joh Makini na G Nako Nusu Nusu ulidhihirisha mtindo wake wa kurap. ^[6]

Kufuatia mafanikio yake kwenye Bongo Star Search, Frida alipumzika kwa miaka miwili kwenye muziki na kujishughulisha na utangazaji. Alifanya kazi kama mtangazaji wa East Africa Radio kwenye kipindi cha Planet Bongo na baadaye alihamia Clouds Media kuwasilisha maudhui ya Bongo Flava. ^[7]

Kazi

Akiingia katika utangazaji mwaka 2016, Amani alijiunga na Radio 5 Arusha, akihost kipindi cha burudani kabla ya kuhamia East Africa Radio huko Dar es Salaam. Huko, alihost kipindi “The Cruise,” huku akitenga muda wa muziki. Mnamo Juni 2018, Frida alifanya come back kwenye muziki kwa wimbo Jibebe akishirikiana na G Boy, wimbo ambao ulimrejesha kwenye scene ya muziki wa Tanzania. Jibebeilichezwa mara nyingi hewani kote Tanzania, na hivyo kuimarisha hadhi ya Amani kama rapa na mtangazaji maarufu wa redio. ^[8] Mtindo wake wa kurap unajulikana kwa urahisi wake lakini wa kina, mara nyingi anaandika kuhusu uzoefu wa maisha yake. Ana shauku kubwa ya kutetea haki za wanawake na kuwatia moyo wasanii wengine wa rapa wa kike. ^[9]

Mnamo 2021, Amani alitoa wimbo wa "Madam President," wimbo unaotetea uwezeshaji wa wanawake na kuwahimiza wanawake vijana kutamani nafasi za uongozi, ikiwa ni pamoja na uraisi. Wimbo huo ulimpa mwaliko wa kutumbuiza Ikulu, na alitambuliwa na Raisi wa Tanzania kama “Madam President” wa rap.. ^{[10] [11]}

Mchango wa Amani unazidi kuwa mkubwa zaidi ya muziki, kwani pia ameweza kufanya maendeleo makubwa katika uhamasishaji wa mazingira na utetezi. Kazi yake iliyo na nyanja imenfanya atambulike na vyombo vikubwa vya habari, na kumpelekea kuajiriwa na Clouds Media, ambapo kwa sasa anaongoza vipindi viwili, “Amplifaya” na “Bongo Flava”, vinavyolenga kukuza vipaji vya muziki nchini Tanzania. ^[12]