Kidaku

Vidaku ni ndege wadogo wa jenasi Melaenornis katika familia Muscicapidae. Spishi kadhaa ziliainishwa katika jenasi Bradornis na Dioptrornis lakina jenasi hizi zimeunganishwa na Melaenornis sasa. Spishi moja inaitwa chekiro. Ndege hawa wana rangi kijivu na/au nyeusi. Wanatokea misitu na maeneo mengine yenye miti katika Afrika. Hula wadudu. Kwa kawaida vidaku hukaa tawi wakiangalia ujirani. Wakiona mdudu huruka ili kumkamata na kurudi tawi. Hujenga tago lao kwa umbo wa kikombe katika tundu la mti au dhidhi ya shina. Jike huyataga mayai 2-6.

Kidaku
Kidaku kusi
Uainishaji wa kisayansi
Himaya: Animalia (Wanyama) Faila: Chordata (Wanyama wenye ugwe wa neva mgongoni) Nusufaila: Vertebrata (Wanyama wenye uti wa mgongo) Ngeli: Aves (Ndege) Oda: Passeriformes (Ndege kama shomoro) Familia ya juu: Muscicapoidea (Ndege kama shore) Familia: Muscicapidae (Ndege walio na mnasaba na shore) Nusufamilia: Muscicapinae (Ndege wanaofanana na shore) Jenasi: Melaenornis G.R. Gray, 1840
Ngazi za chini
Spishi 7: M. annamarulae Forbes-Watson, 1970 M. ardesiacus Berlioz, 1936 M. brunneus (Cabanis, 1887) M. chocolatinus (Rüppell, 1840) M. edolioides (Swainson, 1837) M. fischeri (Reichenow, 1884) M. infuscatus (A.Smith, 1839) M. mariquensis (A.Smith, 1847) M. microrhynchus (Reichenow, 1887) M. pallidus (J.Müler, 1851) M. pammelaina (Stanley, 1814) M. silens (Shaw, 1809)

Spishi

• Melaenornis annamarulae, Kidaku wa Nimba (Nimba Flycatcher)
• Melaenornis ardesiacus, Kidaku Macho-njano (Yellow-eyed Black Flycatcher)
• Melaenornis brunneus, Kidaku wa Angola (Angola Slaty Flycatcher)
• Melaenornis chocolatinus, Kidaku Habeshi (Abyssinian Slaty Flycatcher)
• Melaenornis edolioides, Kidaku Kaskazi (Northern Black Flycatcher)
• Melaenornis fischeri, Chekiro (White-eyed Slaty Flycatcher)
• Melaenornis infuscatus, Kidaku Chati (Chat Flycatcher)
• Melaenornis mariquensis, Kidaku wa Mariko (Mariqua Flycatcher)
• Melaenornis microrhynchus, Kidaku Kijivu (African Grey Flycatcher)
• Melaenornis pallidus, Kidaku Chuju (Pale Flycatcher)
• Melaenornis pammelaina, Kidaku Kusi (Southern Black Flycatcher)
• Melaenornis silens, Kidaku-mbwigu (Fiscal Flycatcher)

Picha

• 
  Kidaku kaskazi
• 
  Chekiro
• 
  Kidaku chati
• 
  Kidaku wa Mariko
• 
  Kidaku kijivu
• 
  Kidaku chuju
• 
  Kidaku kusi
• 
  Kidaku-mbwigu