Sakramentari

Sakramentari (kwa Kilatini "Sacramentarium" kutoka neno "sacramentum", yaani sakramenti) ni kitabu kimojawapo cha liturujia, hasa ya Kanisa la Kilatini.

Ukurasa wa Tyniec Sacramentary, National Library of Poland.^[1]

Yaliyomo ni hasa sala inayotakiwa kusomwa au kuimbwa na askofu au padri katika Misa na ibada nyingine kadhaa, si masomo wala maneno yanayotakiwa kusomwa au kuimbwa na wengine.^[2] Sehemu hizo zimo katika vitabu vingine, kama Kitabu cha Injili, Kitabu cha masomo na Graduale.^[2]

Sakramentari kadhaa za zamani, hasa za mapokeo ya Roma, zinapatikana hadi leo, ama nzima ama sehemu tu. Maarufu zaidi ni zile zinazoitwa Leonianum, Gelasianum na Gregorianum.^[2]

Umuhimu wake ulipungua vitabu vyote vya Misa vilipounganishwa katika misale za Karne za Kati.