Snow White and the Seven Dwarfs (filamu ya 1937)

Snow White and the Seven Dwarfs (kwa Kiswahili: Mweupe Theluji na Vibete Saba) ni filamu ya katuni ya mwaka wa 1937 kutoka Marekani iliyotokana na ngano za kale ya akina Grimm, Mweupe Theluji. Ilikuwa filamu ya kwanza kuwa na kipengele kirefu katika historia ya filamu za katuni, vilevile kuwa kama filamu ya kwanza ya katuni kutayarishwa nchini Marekani, ya kwanza kutayarishwa kuwa na rangi kamili, yaani, mwanzo hadi mwisho, ya kwanza kutayarishwa na Walt Disney, na ni ya kwanza katika mfululizo wa filamu za katuni za Disney - Walt Disney Animated Classics.^[2]

Snow White and the Seven Dwarfs
Posta ya filamu
Imeongozwa na	David Hand (usimamizi) William Cottrell Wilfred Jackson Larry Morey Perce Pearce Ben Sharpsteen
Imetayarishwa na	Walt Disney
Imetungwa na	Akina Grimm (ngano za kale) Ted Sears Richard Creedon Otto Englander Dick Rickard Earl Hurd Merrill De Maris Dorothy Ann Blank Webb Smith
Nyota	Adriana Caselotti Lucille La Verne Pinto Colvig Roy Atwell
Muziki na	Frank Churchill Paul Smith Leigh Harline
Imesambazwa na	RKO Radio Pictures
Imetolewa tar.	21 Desemba 1937 (onyesho la kwanza) 4 Februari 1938 (Marekani) 5 Aprili 1938 (Canada)
Ina muda wa dk.	Dakika 83
Nchi	Marekani
Lugha	Kiingereza
Bajeti ya filamu	$1,488,423
Mapato yote ya filamu	$8,000,000 (est.) [1]
Ikafuatiwa na	Pinocchio

Snow White ya Walt Disney ilianza kuonyeshwa kwa mara ya kwanza katika ukumbi wa Carthay Circle Theatre mnamo tarehe 21 Desemba 1937, na filamu ilitolewa katika makumbi mengine na RKO Radio Pictures mnamo tar. 4 Februari 1938. Hadithi hii imechezwa na Dorothy Ann Blank, Richard Creedon, Merrill De Maris, Otto Englander, Earl Hurd, Dick Rickard, Ted Sears na Webb Smith kutoka katika ngano za kale za Kijerumani Snow White ya akina Grimm. David Hand alikuwa mwongoza na msimamizi wa kazi hii, wakati William Cottrell, Wilfred Jackson, Larry Morey, Perce Pearce, na Ben Sharpsteen waliongoza vipengele kimoja baada ya kingine cha filamu.