Umontani

Umontani ulikuwa aina ya Ukristo iliyopewa jina la mwanzilishi wake , Montanus ^[1], mtu wa Frigia (leo nchini Uturuki)^[2] wa karne ya 2. Huyo alijidai kumpata Roho Mtakatifu kama nabii, lakini Kanisa Katoliki kwa jumla lilimuona yeye na wafuasi wake kama wazushi ^[3][4]. Hata hivyo Umontani ulienea hata Ulaya na Afrika Kaskazini na kudumu kwa namna moja au nyingine katika karne zilizofuata ^[5].

Mitume wa Yesu wakimpokea Roho Mtakatifu siku ya Pentekoste kadiri ya Matendo ya Mitume. Montanus alidai kumpata vilevile.