அணு நிறை அலகு

அணு நிறை அலகு (Atomic mass unit) என்பது அணு அல்லது மூலக்கூறின் நிறையை குறிப்பிட பயன்படும் ஓர் அலகாகும்.^[1][2] பொதுவாக, நிறையானது கிலோ கிராம் என்ற அலகால் அளக்கப்படுகிறது. ஒரு அணு நிறை அலகானது, தோராயமாக ஒரு அணுக்கருனி நிறையின் அளவாகும். இதன் மதிப்பு தோராயமாக ஒரு கிலோ கிராம் / மோல் மதிப்பாகும்.

அணு நிறை அலகு (டால்டன்)
அலகு முறைமை	இயற்பியல் மாறிலி
அலகு பயன்படும் இடம்	அணு நிறை
குறியீடு	amu
பெயரிடப்பட்டது	ஜான் டால்டன்

ஒரு அணு நிறை அலகு^[3] என்பது கரிமம் ₆C¹² அணுவின் நிறையில் (1/12) பங்கிற்குச் சமம். அணு எண் 6 மற்றும் நிறை எண் 12 காெண்ட கரிமத்தின் நிறை 12 amu க்குச் சமம். ஒரு அணு நிறை அலகு என்பது 1.660539040(20)×10⁻²⁷ kg சமம். 1961 வரை மூச்சியம் நிறையில் /16 என்ற அடிப்படையில் அணு நிறை அலகு கணக்கிடப்பட்டது. இப்போது கார்பன்-12 என்ற சமவிடத்தானின் (1/12) நிறை அளவில் அணு நிறை அலகு கணக்கிடப்படுகிறது.

வரலாறு

1803 இல் அறிவியல் அறிஞர் யோவான் தாற்றன் முதன்முதலில் சார்பு அணு நிறை (Relativistic Atomic Mass) என்ற கோட்பாட்டை நீரியம் H¹ என்ற அணுவை அலகாகக் கொண்டு உருவாக்கினார். 1903 இல் வில்லெம் ஆசுவால்டு என்ற அறிவியல் அறிஞர் சார்பு அணு நிறை என்ற கோட்பாட்டை O-16 அணுவின் 1/16 என்ற அளவை அடிப்படை அலகாக கொண்டு உருவாக்கினார். 1961 முதல், கரிமம்-12 என்ற சமவிடத்தான் அணு நிறை அலகின் அடிப்படை அலகாகப் பயன்படுத்தப்படுகிறது.

1 amu = 1/12 கரிமம்-12 அணு நிறை

மேலே குறிப்பிட்ட H¹ அணுவும், O-16 அணுவும், amu அளவில், ஒன்று என்ற அளவில் இல்லாமல் பதின்ம அளவில் ஒன்றைவிட அதிகமானதால், அவை கைவிடப்பட்டன.

அனைத்துலக முறை (அமு, SI) அலகில் அணு நிறை அலகு amu ஒப்பீடு

CGPM எனும் எடை மற்றும் அளவுகளுக்கான பொது மாநாடு 1971-ல் மோல் என்பதை அடிப்படை அலகாக ஏற்றுக் கொண்டது. 0.012 கிலோ கிராம் கரிமம்-12 அணுவிலுள்ள அணுக்களின் எண்ணிக்கை ஒரு மோல் ஆகும். ஒரு பொருளில் 6.022140857(74)×10²³ மோல்^{−1 [4]} என்ற எண்ணிக்கையிலான அணுக்கள் இருக்கின்றன. இந்த எண் அவகாடிரோ எண் எனப்படுகிறது.

அவகாடிரோ எண் X அணு நிறை அலகு = 0.001 கிலோ கிராம் / மோல்^[5]

பயன்பாடு

புரதங்களின் பயன்பாடு அணு நிறை அலகில் அளக்கப்படுகிறது.

எடுத்துக்காட்டு

H¹ அணுவின் நிறை 1.0078250 amu

C¹² அணுவின் நிறை 12 amu