அமிர்தவர்ஷிணி

அமிர்தவர்ஷிணி இராகம் கருநாடக இசையில் பயன்படும் இராகங்களில் ஒன்றாகும். இது 65ஆவது மேளகர்த்தா இராகமாகிய, "ருத்ர" என்றழைக்கப்படும் 11ஆவது சக்கரத்தின் 5ஆவது மேளமாகிய மேசகல்யாணி இராகத்தின் ஜன்னிய இராகம் ஆகும்.^[1][2][3]

இலக்கணம்

அமிர்தவர்ஷிணி சுரங்கள் C யிலிருந்து தொடக்கம்

ஆரோகணம்:	ஸ க3 ம2 ப நி3 ஸ்
அவரோகணம்:	ஸ் நி3 ப ம2 க3 ஸ

• இது ஒரு ஔடவ இராகம்.
• ரிஷபம், தைவதம் வர்ஜம் என்பதனால் இது ஒரு வர்ஜ இராகம் ஆகும், உபாங்க இராகம் ஆகும்.
• அமிர்தவர்ஷிணி இராகத்தில் ஷட்ஜம், அந்தர காந்தாரம்(க₃), பிரதி மத்திமம்(ம₂), பஞ்சமம், காகலி நிஷாதம்(நி₃) ஆகிய சுரங்கள் வருகின்றன.

திரையிசைப் பாடல்கள்

இந்த இராகத்தில் அமைக்கப்பட்ட திரை இசைப் பாடல்:

• "தூங்காத விழிகள் இரண்டு" - அக்னி நட்சத்திரம்