அமூர் மாகாணம்

அமூர் மாகாணம் (Amur Oblast, உருசியம்: Аму́рская о́бласть, ஒ.பெ அமூர்ஸ்கயா ஓபிலாஸ்த்) என்பது உருசியாவின் நடுவண் அலகு ஆகும். இது உருசியாவின் தூர கிழக்கே ஆமூ தாரியா ஆற்றிற்கும் சேயா ஆற்றிற்கும் இடையில் அமைந்துள்ள பிரதேசம் ஆகும். இதன் நிருவாகத் தலைநகர் பிலாகோவெசுச்சென்சுக் ஆகும். இந்நகர் தூரகிழக்கில் உருவாக்கப்பட்ட மிகப் பழமையான குடியெற்றம் ஆகும். 1856 ஆம் ஆண்டில் இந்நகர் அமைக்கப்பட்டது. வணிகம், மற்றும் தங்கச் சுரங்கத் தொழில்களுக்குப் பெயர் பெற்றது. 2010 கணக்கெடுப்பின் படி, இம்மாகாணத்தின் மக்கள்தொகை  830,103 ஆகும்.^[8] உருசியப் பேரரசுக் காலத்தில் இப்பகுதி "அமூர் கிராய்" (Amur Krai, Аму́рский край) என வழங்கப்பட்டு வந்தது.

அமூர் மாகாணம் Amur Oblast அமூர் ஓபிலாஸ்து
மாகாணம்
Амурская область
கொடி சின்னம்
பண்: எதுவுமில்லை[1]
நாடு	உருசியா
நடுவண் மாவட்டம்	தூரகிழக்கு[2]
பொருளாதாரப் பகுதி	தூரகிழக்கு[3]
நிருவாக மையம்	பிலாகோவெசுச்சென்ஸ்க்[4]
அரசு
• நிர்வாகம்	சட்டமன்றம்[5]
• ஆளுநர்[5]	அலெக்சாந்தர் கோசுலோவ்[6]
பரப்பளவு [7]
• மொத்தம்	3,63,700 km2 (1,40,400 sq mi)
• பரப்பளவு தரவரிசை	14வது
மக்கள்தொகை  (2010 மக்கள் தொகை கணக்கெடுப்பு)[8]
• மொத்தம்	8,30,103
• மதிப்பீடு  (2018)[9]	7,98,424 (−3.8%)
• தரவரிசை	61வது
• அடர்த்தி	2.3/km2 (5.9/sq mi)
• நகர்ப்புறம்	66.8%
• நாட்டுப்புறம்	33.2%
நேர வலயம்	ஒசநே+9 ([10])
ஐஎசுஓ 3166 குறியீடு	RU-AMU
அனுமதி இலக்கத்தகடு	28
OKTMO ஐடி	10000000
அலுவல் மொழிகள்	உருசியம்[11]
இணையதளம்	http://www.amurobl.ru/

அமூர் மாகாணம் உருசியாவின் தென்கிழக்கே உள்ளது. இதன் வடக்கே இசுத்தானவோய் மலைத்தொடருக்கும், தெற்கே அமூர் ஆற்றிற்கும் இடையில் அமைந்துள்ளது இதன் எல்லைகளாக வடக்கே சகா குடியரசும், கிழக்கே யூதத் தன்னாட்சி மாகாணமும், தெற்கே சீனாவின் கெய்லோங்சியாங் மாகாணமும், மேற்கே சபாய்க்கால்சுக்கி கிராயும் உள்ளன.

மக்கள்

2010 மக்கள் கண்க்கெடுப்பின் படி,^[8] 94.3% உருசியர்களும் (775,590), 2% உக்ரைனியர் (16,636), 0.5% பெலருசியர் (4,162), 0,4% தத்தார்களும் (3,406) வாழ்கின்றனர். இவர்களைவிட 120 இற்கும் மேற்பட்ட சிறிய இனக்குழுக்களும் இங்குள்ளனர்.^[12]

சமயம்

2012 அதிகாரபூர்வ ஆய்வின் படி,^[13] 25.1% மக்கள் உருசிய மரபுவழித் திருச்சபையைப் பின்பற்றுகிறார்கள். 5% பொதுவான கிறித்தவர்கள், 1% கிழக்கு மரபுவழி திருச்சபையினர், 1% இசுலாமியர் ஆவர்.^[13]