இந்திய வேளாண் ஆராய்ச்சிக் கழகம்
From Wikipedia, the free encyclopedia
Remove ads
இந்திய வேளாண் ஆராய்ச்சி நிறுவனம் (Indian Agricultural Research Institute), புசா நிறுவனம்[3] என்றும் அழைக்கப்படும்- ஐ.ஏ.ஆர்.ஐ, இந்தியாவின் முதன்மை வேளாண் ஆராய்ச்சி மற்றும் கல்வி அமைப்பாகும். 1905ல் பீகார் மாநிலம் புசா என்ற இடத்தில் இந்திய வேளாண் ஆராய்ச்சிக் கழகம் (ஐ.ஏ.ஆர்.ஐ) அமெரிக்க வள்ளல் ஹென்ரி பிலிப்ஸ் என்பவரது கொடையால் தொடங்கப்பட்டது. பீகார் நிலநடுக்கத்தால் பாதிப்படைந்த இக்கழகம் 1936ல் மகாராட்டிரா மாநிலத்தின் பூசாவல் நகரத்திற்கு மாற்றப்பட்டது.
இந்தியாவின் வேளாண் வளர்ச்சியில் நெருங்கிய தொடர்புடைய இக்கழகம் நூறாண்டுகளுக்கும் மேலாக ஆராய்ச்சி மற்றும் கல்விப்பணி புரிகிறது. பசுமைப் புரட்சிக்கு வித்திட்டது இக்கழகமேயாகும். அதிக மகசூல் தரும் பயிர் வகைகளை தயாரித்து தரப்படுத்தியது.[4][5]
Remove ads
வரலாறு
இந்திய வேளாண் ஆராய்ச்சி நிறுவனம் 1905ஆம் ஆண்டில் பீகார் மாநிலம், பூசாவில் நிறுவப்பட்டது. ஹென்றி பிப்ஸ், ஜூனியர், என்ற அமெரிக்க பரோபகாரரின் நிதி உதவியால் இந்நிறுவன்ம் தொடங்கப்பட்டது. பிப்ஸ் அமெரிக்க பெரும் பணக்காரர் ஆவார். இந்தியாவின் வைஸ்ராயான லார்ட் கர்சனின் மனைவியான சீமாட்டி கர்சனின் குடும்ப நண்பர் ஆவார். பிப்ஸ் தனது இந்திய பயணத்தின் போது கர்சன்களின் விருந்தினராக தங்கியிருந்தார். அப்பொழுது பிப்ஸ் வழங்கிய 30,000 டாலர் நன்கொடையின் விளைவாக இந்நிறுவனம் ஏப்ரல் 1, 1905 தொடங்கப்பட்டது. இந்த நிறுவனம் முதலில் வேளாண் ஆராய்ச்சி நிறுவனம் (ARI) என்று அழைக்கப்பட்டது.[6] அதன் பெயர் 1911இல் வேளாண் ஆராய்ச்சிஇம்பீரியல் நிறுவனம் என்றும், 1919இல் இம்பீரியல் வேளாண் ஆராய்ச்சி நிறுவனம் என்றும் மாற்றப்பட்டது.[3] 1899ஆம் ஆண்டில் ஜெர்மன் அனிலின் தொகுப்புக்குப் பிறகு புத்துயிர் பெற வேண்டிய இண்டிகோ தோட்டங்களுக்கு அருகாமையில் இருப்பதற்காக இந்நிறுவனம் வடக்கு பீகாரில் உள்ள பூசாவில் நிறுவப்பட்டது. இதுவே இந்நிறுவனம் இப்பகுதியில் நிறுவப்படுவதற்கான காரணம் ஆகும். இந்த நிறுவனத்திற்கு 1892ல் நியமிக்கப்பட்ட முதலில் விஞ்ஞானிகளில் ஒருவர் ஆங்கில வேதியியலாளர் ஜான் வால்டர் லெதர்.[7][8] இருப்பினும், ஜனவரி 15, 1934இல் ஏற்பட்ட பீகார் பூகம்பத்தின் பேரழிவுகரமான இந்த நிறுவனம் சேதமடைந்தது. ஜூலை, 1934இல் இதனை இடமாற்றம் செய்ய மாநில செயலாளர் ஒப்புதல் அளித்தார்.[9] ஒன்றிய சட்டமன்றத்தின் நிலையான நிதிக் குழு இறுதியாக ஆகஸ்ட் 25, 1934 அன்று இந்த நிறுவனத்தை புது தில்லிக்கு 3.8 மில்லியன் டாலர் (53,000 அமெரிக்க டாலர்) செலவில் மாற்றுவதற்கான முடிவினை சிம்லாவில் அறிவித்தது.[10] இப்போது புதுதில்லியில் பூசா என்று அழைக்கப்படும் இடத்திற்கு மாற்றப்பட்டபோது விஸ்வநாத் இயக்குநராக இருந்தார். இவர் இந்திய வேளாண் ஆராய்ச்சி நிறுவனத்தின் முதல் இந்திய இயக்குநராகவும் இருந்தார். புது தில்லியில் புதிய வளாகம் 29 ஜூலை 1936இல் திறக்கப்பட்டது.[3] அதே நேரத்தில் இம்பீரியல் வேளாண் ஆராய்ச்சி நிறுவனத்தின் புதிய கட்டிடம் அப்போதைய இந்திய வைஸ்ராய் லார்ட் லின்லித்கோவால் நவம்பர் 7, 1936 அன்று திறக்கப்பட்டது.[11]
Remove ads
சுதந்திரத்திற்குப் பின்
சுதந்திரத்திற்குப் பிறகு, இந்த நிறுவனம் இந்திய வேளாண் ஆராய்ச்சி நிறுவனம் என மறுபெயரிடப்பட்டது.[3] 1950ஆம் ஆண்டில் சிம்லா துணை நிலையம் பூசா 718, 737, 745 மற்றும் 760 உள்ளிட்ட துரு-பூஞ்சை எதிர்ப்பு வகை கோதுமைகளை உருவாக்கியது[12] 1958ஆம் ஆண்டில், பாராளுமன்றத்தின் 1956 பல்கலைக்கழக மானியக் குழுவின் சட்டத்தின் கீழ் இது "நிகர்நிலைப் பல்கலைக்கழகம்" என்று அங்கீகரிக்கப்பட்டது. அதன் பின்னர் அது முதுஅறிவியல் மற்றும் முனைவர் பட்ட படிப்புகளைத் துவங்கியது.[13]
பீகார் அரசு இந்நிறுவனம் முன்பு இருந்த இடத்தில் இராஜேந்திர வேளாண் பல்கலைக்கழகத்தை 1970ல் நிறுவியது.[6]
Remove ads
வளாகம்
இந்த வளாகம் புது தில்லி தொடருந்து நிலையத்திலிருந்து 8 கி.மீ. மேற்கே 500 ஹெக்டேர் (5.0 கி.மீ. 2) பரப்பளவில் அமைந்துள்ளது. இது ஆரம்பத்தில் டெல்லிக்கு வெளியே இருந்தது, ஆனால் பல தசாப்தங்களாக நகரம் வளாகத்திற்கு அப்பால் வளர்ந்துள்ளது.[14] இந்திய வேளாண் புள்ளியியல் ஆராய்ச்சி நிறுவனம் இந்திய வேளாண் ஆராய்ச்சி நிறுவனத்தின் வளாகத்தில் அமைந்துள்ளது.[15]
பிரிவுகள்
- பயிர் மேம்பாட்டு பள்ளி[16]
- தாவர பாதுகாப்பு பள்ளி
- அடிப்படை அறிவியல் பள்ளி
- இயற்கை வள மேலாண்மை பள்ளி
- சமூக அறிவியல் பள்ளி
- தோட்டக்கலை அறிவியல் பள்ளி
மேலும் காண்க
மேற்கோள்கள்
வெளியிணைப்புகள்
Wikiwand - on
Seamless Wikipedia browsing. On steroids.
Remove ads