உதகமண்டலம் தொடருந்து நிலையம்

உதகமண்டலம் தொடருந்து நிலையம் (Udagamandalam railway station, நிலையக் குறியீடு:UAM) என்பது தமிழ்நாட்டின், நீலகிரி மாவட்டத்தில் உள்ள புகழ்வாய்ந்த மலைப் பிரதேசமும், நகருமான ஊட்டியில் உள்ள ஒரு தொடருந்து நிலையமாகும்.^[1] இந்தத் தொடருந்து நிலையம் நீலகிரி மலைத் தொடர் வண்டிப் பாதையின் ஒரு பகுதியாகும். இந்த தொடருந்து நிலையம் ஒரு உலக பாரம்பரியக் களமாகும்.^[2]

உதகமண்டலம்
தொடருந்து நிலையம்
பொது தகவல்கள்
அமைவிடம்	இந்தியா
ஆள்கூறுகள்	11.4053°N 76.6962°E / 11.4053; 76.6962
ஏற்றம்	2,200 மீட்டர்கள் (7,200 அடி)
உரிமம்	இந்திய இரயில்வே
இயக்குபவர்	தென்னக இரயில்வே
தடங்கள்	நீலகிரி மலை தொடர்வண்டிப் போக்குவரத்து
நடைமேடை	2
இருப்புப் பாதைகள்	3
இணைப்புக்கள்	பேருந்து
கட்டமைப்பு
கட்டமைப்பு வகை	தரையில் உள்ள நிலையம்
தரிப்பிடம்	உண்டு
துவிச்சக்கர வண்டி வசதிகள்	உள்ளது
மாற்றுத்திறனாளி அணுகல்	உள்ளது
மற்ற தகவல்கள்
நிலையக் குறியீடு	UAM
பயணக்கட்டண வலயம்	இந்திய இரயில்வே
வரலாறு
திறக்கப்பட்டது	1908; 117 ஆண்டுகளுக்கு முன்னர் (1908)
அமைவிடம் உதகமண்டலம் தமிழக வரைபடத்தில் உள்ள இடம் Show map of தமிழ்நாடு உதகமண்டலம் இந்திய வரைபடத்தில் உள்ள இடம் Show map of இந்தியா

வரலாறு

1908 ஆம் ஆண்டில்நீலகிரி மலைத் தொடர் வண்டிப் பாதை, உதகமண்டலம் வரை நீட்டிக்கப்பட்டபோது இந்த நிலையம் திறக்கப்பட்டது. பாரம்பரிய நீலகிரி மலை தொடருந்து ஆனது, நீலகிரி மலைகளின் அடிவாரத்தில் உள்ள மேட்டுப்பாளையம் நகரத்திற்குச் செல்ல கிட்டத்தட்ட இரண்டு மணிநேர பயணம் ஆகும்.

திட்டங்கள் மற்றும் மேம்பாடு

இந்திய இரயில்வேயின் அமிர்த பாரத் நிலையத் திட்டத்தின் கீழ் மேம்படுத்தப்படுவதற்கு தமிழ்நாட்டிலுள்ள 532 தொடருந்து நிலையங்களில் தேர்ந்தெடுக்கப்பட்ட 77 நிலையங்களில் இதுவும் ஒன்றாகும். அம்ரித் பாரத் திட்டத்தின் கீழ் தமிழ்நாட்டிற்கென 4100கோடி நிதி ஒதுக்கீடு செய்யப்பட்டுள்ளது. மத்திய அரசின் உள்கட்டமைப்புக்கான பிரதமர் கதி சக்தி அமைப்பின் கீழ் இத்திட்டம் செயற்படுத்தப்படுகிறது. ^{[3][4][5][6][7]}

அமிர்த பாரத் திட்டத்தின் கீழ் சேலம் கோட்டத்தில் 15 நிலையங்கள் தேர்ந்தெடுக்கப்பட்டன, உதகமண்டலம் தொடருந்து நிலையத்தை புதுப்பிக்கும் பணிக்கு 7 கோடி ரூபாய் ஒதுக்கப்பட்டுள்ளது. ^{[8][9][10][11][12][13][14][15]}