எச்ஏஎல் தேசசு

எச்ஏஎல் தேசசு (சமசுகிருதம்: तेजस् "சுடரொளி", Tejas) என்பது ஒரு மீயொலிவேக பன்முகச் சண்டை வானூர்தியாகும். இது இந்தியாவின் வானறிவியல் மேம்பாட்டு நிறுவனத்தால் வடிவமைக்கப்பட்டு இந்துசுதான் வானறிவியல் நிறுவனத்தால் தயாரிக்கப்படுகின்ற 4.5 ஆம் தலைமுறை சண்டை வானூர்தியாகும்.^[3][4]

தேசசு Tejas
வகை	பன்முகச் சண்டை வானூர்தி
உருவாக்கிய நாடு	இந்தியா
உற்பத்தியாளர்	இந்துசுதான் வானறிவியல் நிறுவனம்
வடிவமைப்பாளர்	வானறிவியல் மேம்பாட்டு நிறுவனம்
முதல் பயணம்	4 சனவரி 2001
அறிமுகம்	7 சனவரி 2015[1]
தற்போதைய நிலை	பயன்பாட்டில் உள்ளது[2]
முக்கிய பயன்பாட்டாளர்	இந்திய வான்படை
தயாரிப்பு எண்ணிக்கை	51

தேசசு தனது முதல் பயணத்தை 2001 இல் மேற்கொண்டது, பிறகு 2015 இல் இந்திய வான்படையில் அதிகாரபூர்வமாக சேர்க்கப்பட்டது.^[5][6] 2003 ஆம் ஆண்டில், இதற்கு அதிகாரப்பூர்வமாக "தேசசு" என்று பெயரிடப்பட்டது.^[7] இது மீயொலிவேக போர் விமானங்களின் வரிசையில் மிகவும் இலகுவான வானூர்தியாகும்.^[8]

வடிவமைப்பு

தேசசு ஒரு ஒற்றை விசைப்பொறி கொண்ட ஒரு பன்முகச் சண்டை வானூர்தியாகும். இது மேம்பட்டபறக்கும் திறனுக்காக தளர்வான நிலையான நிலைத்தன்மையுடன் வால் இல்லாத முக்கோண இறக்கை வடிவமைப்பைக் கொண்டுள்ளது. தேசசு இடைமறிப்பு மற்றும் தாக்குதல் பணிகளைச் செய்ய வல்லது.^[9] இது பல்வேறு ஆயுதங்களை சுமந்து செல்ல ஏதுவாக எட்டு இணைப்பு புள்ளிகளைக் கொண்டுள்ளது.^[10] இதன் முன் பகுதியில் வான்வழி எரிபொருள் நிரப்புதல் கருவியைக் கொண்டுள்ளது.^[11]

கடற்படைக்காக தயாரிக்கப்படும் தேசசுகளில் சில மேம்பட்ட வசதிகள் செய்யப்பட்டுள்ளன

அலுமினியம், லித்தியம் மற்றும் டைட்டானியம் உலோகக்கலவைகள் மற்றும் , கார்பன் இழையால் செய்யப்பட்ட பொருட்கள் தேசசுவின் கட்டுமானத்தில் பயன்படுத்தப்படுகின்றன.^[12][13][14] இதன் இறக்கையின் விளிம்புகள் கண்ணாடியிழைகளால் ஆனது.^[15] கலவை பொருட்களின் விரிவான பயன்பாடு வானூர்தியை இலகுவாக்குவது மட்டுமல்லாமல் அதிக வலிமையையும் தருகிறது.^[9][16] கடற்படைக்காக தயாரிக்கப்படும் வானூர்திகளில் சில மேம்பட்ட வசதிகள் செய்யப்பட்டுள்ளன. இவற்றின் மூக்கு சற்றே தாழ்வாக இறக்க ஆவண செய்யப்பட்டுள்ளது. மேலும் இவற்றில் வலுவூட்டப்பட்ட இறங்கமைப்பு மற்றும் வானூர்தி தாங்கிக் கப்பல்களில் தரையிறங்குவதற்கான கொக்கி அமைப்பை கொண்டுள்ளது.^[17][18]

இந்த வானூர்தி முக்கோண இறக்கைகளைக் கொண்டுள்ளாது. தலா மூன்று தானியங்கி பட்டிகைகள் இறக்கைகளின் முன் விளிம்புகளில் பொருத்தப்பட்டிருக்கின்றது. இறக்கைகளின் பின் விளிம்புகளில் கட்டுப்பாடு இதழ்கள் மற்றும் இறக்கைத் துடுப்புகள் உள்ளன.பின்பகுதியில் ஒரு செங்குத்து துடுப்பு மற்றும் இரண்டு நிறுத்திகளைக் கொண்டுள்ளது.^[19][20]

இந்த வானூர்திகாக காவேரி என்ற பெயரில் ஒரு தாரை பொறியை உள்நாட்டிலேயே வடிவமைத்து உருவாக்க எரிவாயு விசையாழி ஆராய்ச்சி நிறுவனம் முட்பட்டது.^[21] இருப்பினும் காவேரியின் உருவாக்கம் பின்னடைவைச் சந்தித்த காரணத்தினால் தேசசு வானூர்திகளில் ஜெனரல் எலக்ட்ரிக் பொறிகள் பொருத்தப்படுகின்றன.^[22][23] தேசசு நவீன கதிரலைக் கும்பா மற்றும் பல்வேறு மின்னணு போர் உபகாரணங்களைக் கொண்டுள்ளது.^[24] இதன் கட்டுப்பாடு கணினிகள் பாரத் மின்னணுவியல் நிறுவத்தால் தயாரிக்கப்படுகின்றன.^[25]

விவரக்குறிப்புகள்

தேசசு வரைபடம்

தரவு எடுக்கப்பட்டது: ^[26][27]

பொது இயல்புகள்

• குழு: 1 அல்லது 2
• நீளம்: 13.2 m (43 அடி 4 அங்)
• இறக்கை விரிப்பு: 8.2 m (26 அடி 11 அங்)
• உயரம்: 4.4 m (14 அடி 5 அங்)
• இறக்கைப் பரப்பு: 38.4 m² (413 sq ft)
• வெற்றுப் பாரம்: 6,560 kg (14,462 lb)
• மொத்தப் பாரம்: 9,800 kg (21,605 lb)
• தரையிலிருந்து தூக்கக் கூடிய பாரம்: 13,500 kg (29,762 lb)
• எரிபொருள் கொள்ளவு: 2,458 kg (5,419 lb) 3,060 L (670 imp gal; 810 US gal)
• சக்தித்தொகுதி: 1 × ஜெனரல் எலக்ட்ரிக் எப்404 தாரை பொறி, 48.9 kN (11,000 lbf) உந்துதல் ^[28] உளர், 85 kN (19,000 lbf) பின்னெரியுடன்^[29][30]

செயற்பாடுகள்

• அதிகபட்ச வேகம்: 2,220 km/h (1,379 mph; 1,199 kn)
• அதிகபட்ச வேகம்: மாக் 1.8^[31][32]
• போர் வரம்பு: 739 km; 399 nmi (459 mi) ^[33][34]
• பயண வரம்பு: 3,000 km (1,864 mi; 1,620 nmi) ^[35]
• உச்சவரம்பு 15,240 m (50,000 அடி)
• ஈர்ப்பு விசை வரம்பு: +9/-3.5^[36][37]
• சிறகு சுமையளவு: 255.2 kg/m² (52.3 lb/sq ft)
• தள்ளுதல்/பாரம்: 1.07^[38]