காட்டு நாகம்

காட்டு நாகம் (forest cobra, black cobra அல்லது black and white-lipped cobra; அறிவியல் பெயர்: Naja melanoleuca) என்பது நாக வகையைச் சேர்ந்த நஞ்சுள்ள பாம்பினம் ஆகும்.^[1] இது ஆப்பிரிக்கா கண்டத்தின் மத்திய மற்றும் மேற்குப் பகுதிகளில் உள்ள வெப்பவலய மற்றும் மிதவெப்பவலயக் காடுகளில் காணப்படுகின்றது.^[2] சுமார் 10 அடி நீளம் வரை வளரும் இதுவே நாக இனங்களில் மிகப்பெரிய அளவுடையது ஆகும். இது நீரிலும் நன்றாக நீந்தவல்லது.

காட்டு நாகம்
உயிரியல் வகைப்பாடு
திணை:	விலங்கினம்
தொகுதி:	முதுகுநாணி
வகுப்பு:	ஊர்வன
வரிசை:	செதிலுடைய ஊர்வன
குடும்பம்:	பாம்பினம்
பேரினம்:	நாகம் Gunther, 1864
இருசொற் பெயரீடு
Naja melanoleuca
காட்டு நாகம் காணப்படும் இடங்கள்

சொற்தோற்றம்

காட்டு நாகத்தின் அறிவியல் பெயர் Naja melanoleuca. இதில் Naja என்ற லத்தீன் சொல்லானது நாகம் என்ற வடமொழிச் சொல்லில் இருந்து பெறப்பட்டதாகும்.^[3] melanoleuca என்றால் பண்டைய கிரேக்க மொழியில் கருப்பு (melano) வெள்ளை (leuca) என்று பொருள்.^[4][5] இந்த இனம் கருநாகம் மற்றும் கருப்பு வெள்ளை உதட்டுடைய நாகம் ஆகிய பெயர்களாலும் அழைக்கப்படுகின்றது.^[1]