காந்திநகர்

இந்தக் கட்டுரை குசராத் தலைநகரைப் பற்றியது. பிறபயன்பாட்டுக்கு, காந்திநகர் (தொடர்புடைய பக்கம்) என்பதைப் பாருங்கள்.

காந்திநகர் (Gandhinagar, குசராத்தி: ગાંધીનગર உச்சரிப்பு^ⓘ) மேற்கு இந்திய மாநிலம் குசராத்தின் தலைநகரம் ஆகும். காந்திநகர் அகமதாபாத்திற்கு வடக்கே ஏறத்தாழ 23 கி.மீ. தொலைவில் உள்ளது. இது குசராத் மாநிலத்தின் புதிய தலைநகராகத் திட்டமிட்டுக் கட்டமைக்கப்பட்டது.^[1]

காந்திநகர் ગાંધીનગર
தலைநகரம்
குசராத் சட்டப்பேரவை கட்டிடங்கள்
அடைபெயர்(கள்): சுற்றுச்சூழலுக்கியைந்த நகர்
மாநிலம்	குசராத்
மாவட்டம்	காந்திநகர்
அரசு
• நகராட்சி ஆணையர்	ஆர்.சி.கர்சன்
பரப்பளவு
• மொத்தம்	177 km2 (68 sq mi)
ஏற்றம்	81 m (266 ft)
மக்கள்தொகை  (2001)
• மொத்தம்	1,95,891
• அடர்த்தி	1,100/km2 (2,900/sq mi)
மொழிகள்
• அலுவல்	குசராத்தி, இந்தி
நேர வலயம்	ஒசநே+5:30 (இ.சீ.நே)
PIN	382010
தொலைபேசி குறியீடு	079
வாகனப் பதிவு	GJ-18

நடுவில் அமைந்துள்ள அரசு வளாகங்களைச் சுற்றிலும் முப்பது செக்டர்களாக பிரிக்கப்பட்டுள்ளது. ஒவ்வொரு செக்டரிலும் அதற்கெனத் தனியான வணிக வளாகம், சமூக மையம், துவக்கப் பள்ளி, சுகாதார மையம், அரசு மற்றும் தனியார் குடியிருப்புகளை கொண்டுள்ளது.^[1] பல பூங்காக்கள், சோலைகள் மற்றும் மனமகிழ் மையங்கள் அமைக்க இடம் வரையறுக்கப்பட்டுள்ளது. நகரத்தை ஓர் பசுமைப் பூங்காவாக மாற்றிட திட்டமிடப்பட்டுள்ளது.^[1]