குறுல்த்தாய்

குறுல்த்தாய் (மங்கோலியம்: Хуралдай, குரல்தை; துருக்கியம்: குருல்தய்)^[1] என்றால் சபை என்று பொருள். பண்டைய துருக்கிய இன மக்களின் தலைவர்கள் மற்றும் கான்களின் அரசியல் மற்றும் இராணுவக் குழுவாக இருந்தது, பின்னர் மங்கோலிய மக்களால் பின்பற்றப்பட்டது. இந்த வார்த்தையின் வேர் "குர்/க்ஹுர்" (கூடு/விவாதி) மற்றும் துருக்கிய மொழியில் அரசியல் "கூட்டம்" அல்லது "சட்டமன்றம்" என்ற பொருளுடைய "குருல்/க்ஹுரல்" என்ற வார்த்தைகளை உருவாக்குகிறது. குருல்தய், குரல்தை, குருல்தை, அல்லது குரல்தான் என்றால் "ஒரு கூட்டம்", அல்லது இன்னும் இலக்கியரீதியாக, "ஒன்றுசேர்தல்". இந்த வார்த்தையின் அடியானது, "விருந்து" மற்றும் "திருமணம்" என்று பொருள்படும் துருக்கிய வார்த்தைகளான "க்ஹுரிம்/க்ஹுரும்" உடன் பொருந்துகிறது, பொதுவாக ஸ்டெப்பி எனப்படும் புல்வெளிகளில் பெரிய பண்டிகை கூட்டங்களைக் குறிப்பிடப் பயன்படுத்தப்பட்டது ஆனால் நவீன காலத்தில் திருமணத்தைக் குறிக்க முக்கியமாக பயன்படுத்தப்படுகிறது.

மங்கோலியப் பேரரசு

இந்த வார்த்தை முதல் முறையாக மங்கோலியர்களின் இரகசிய வரலாற்றின் கடைசி 282 வது பத்தியில் "யெக் குரில்தா" (நவீன மங்கோலியம்: இக் குரல்தை, சொல்லர்த்தமாக: பெரிய குரல்தை) என்று தோன்றியது. மங்கோலிய குடும்பங்கள் இந்த நிகழ்ச்சிக்கு வருகைபுரிவதன் மூலம் வாக்களித்தனர்; வருகைபுரியாத குடும்பங்கள் குறுல்த்தாய் கூட்டுவதற்கான காரணத்திற்கு ஒரு வாக்கு எதிராக வாக்களித்ததாக கருதப்பட்டது. புதிய கான் தேர்ந்தெடுக்கப்பட்ட பிறகு, ஒரு விரிவான முடிசூட்டு நடைமுறை பின்பற்றப்பட்டது. 15 ஆம் நூற்றாண்டின் செருமானிய சுற்றுலாப் பயணியான ஜொஹான் ஷில்ட்பெர்கர், தங்க நாடோடிக் கூட்டத்தின் ஒரு புதிய கான் முடிசூட்டப்படுவதைப் பின்வருமாறு விவரித்தார்(^{[2][page needed][3][page needed]}):

“

அவர்கள் ஒரு அரசனைத் தேர்ந்தெடுக்கும் போது, அவரைத் தூக்கி வெள்ளைப் போர்வையில் உட்காரவைத்து, அப்போர்வையை மூன்று முறை உயர்த்துகின்றனர். அவரைத் தூக்கிக்கொண்டு கூடாரத்தைச் சுற்றிலும் நடக்கின்றனர். பிறகு அவரை ஒரு சிம்மாசனத்தில் வைத்து, அவர் கையில் தங்க வாள் கொடுத்தனர். பின்னர் அவர் வழக்கமாகப் பதவியேற்றார்.

”

உருசிய இளவரசர்கள் மற்றும் போயர்கள், சராய் நகரத்தில் புதிய கானைத் தேர்ந்தெடுப்பதற்கு காத்திருக்க வேண்டியிருந்தது, புதிய கான்கள் மீண்டும் தங்கள் யர்லிக்குகளை (காப்புரிமைகள்) வெளியிட்டார்கள், இந்த கான் குதர்மியாக் சடங்குகளைக் கண்டனர் என்பதில் சந்தேகமே இல்லை, இச்சடங்குகள் அதிகரித்து 14 ஆம் நூற்றாண்டின் மத்தியகாலத்தில், தங்க நாடோடிக் கூட்டத்தில் ஏற்பட்ட பிரச்சனையின் போது, அடிக்கடி தொடர்ச்சியாகவும் பயனற்றதாகவும் ஆகி, "அர்த்தமற்று சுற்றி ஓடுதல்" என்று பொருள்படக்கூடிய உருசிய வார்த்தையான "кутерьма" (குதர்மா) உருவாகக் காரணமாயின".^[3]