சண்முகப்பிரியா

சண்முகப்பிரியா கருநாடக இசையின் 56 ஆவது மேளகர்த்தா இராகமாகும். விரிவான ஆலாபனைக்கு இடம் தரும் இராகம். இந்த இராகத்தின் தோற்றமான (ஜன்யமான) சாமரம் அசம்பூர்ண மேள பத்ததியில் 56 ஆவது இராகமாக விளங்குகிறது.^[1][2]

இலக்கணம்

சண்முகப்பிரியா சுரங்கள் C யிலிருந்து தொடக்கம்

ஆரோகணம்:	ஸ ரி2 க2 ம2 ப த1 நி2 ஸ்
அவரோகணம்:	ஸ் நி2 த1 ப ம2 க2 ரி2 ஸ

• திசி என்றழைக்கப்படும் 10 ஆவது சக்கரத்தில் 2 ஆவது மேளம்.
• இந்த இராகத்தில் ஷட்ஜம், சதுஸ்ருதி ரிஷபம் (ரி₂), சாதாரண காந்தாரம் (க₂), பிரதி மத்திமம் (ம₂), பஞ்சமம், சுத்த தைவதம் (த₁), கைசிகி நிஷாதம் (நி₂) ஆகிய சுரங்கள் வருகின்றன.
• முக்கிய பிரதி மத்திம இராகங்களில் இதுவும் ஒன்று.

சிறப்பு அம்சங்கள்

• பக்திச் சுவையை வெளிப்படுத்தும் இராகம். எப்பொழுதும் பாடலாம்.
• 20 ஆவது மேளமாகிய நடபைரவியின் நேர் பிரதி மத்திம மேளம் ஆகும்.
• பிரத்தியாகத கமகம் இந்த இராகத்தின் சாயலை நன்கு வெளிப்படுத்தும்.
• மூர்ச்சனாகாரக மேளம். இதன் க, ப, த கிரக பேதத்தின் வழியாக முறையே சூலினி (35), தேனுகா (09), சித்ராம்பரி (66) ஆகிய மேளங்களைத் தோற்றுவிக்கும்.

உருப்படிகள்

• கிருதி : வத்தனே வாரு : ஆதி : தியாகராஜ சுவாமிகள்.
• கிருதி : சித்தி விநாயகம் : ரூபகம் : முத்துசாமி தீட்சிதர்.
• கிருதி : அரகர சிவ : ஆதி : முத்துத் தாண்டவர்.
• கிருதி : சுகமே சுகம் : ஆதி : கோடீஸ்வர ஐயர்.
• கிருதி : பார்வதி நாயகனே : ஆதி : பாபநாசம் சிவன்.

ஜன்ய இராகங்கள்

சண்முகப்பிரியாவின் ஜன்ய இராகங்கள் இவை.

• பிரிமரசாரங்க
• நாகபிரபாவளி
• கமலநாராயணி
• திருமூர்த்தி
• வசீரி
• ஹம்சகீர்வாணி
• கோபிகாதிலகம்
• சுமநீசரஞ்சனி
• வசுகெற்ப
• பாவுகதாயினி

திரையிசைப் பாடல்கள்

சண்முகப்பிரியா இராகத்தில் அமைந்த சில திரையிசைப் பாடல்கள்:

• பழம் நீயப்பா ஞானப்பழம் நீயப்பா - திருவிளையாடல்^[3]
• மறைந்திருந்து பார்க்கும் - தில்லானா மோகனாம்பாள்
• சொல்லாயோ வாய் திறந்து - மோகமுள்
• கண்ணுக்குள் நூறு நிலவா - வேதம் புதிது