சத்ய சந்திரசேகரேந்திர சரஸ்வதி

ஜெகத்குரு ஸ்ரீ சத்ய சந்திரசேகரேந்திர சரஸ்வதி (Jagadguru Sri Satya Chandrashekarendra Saraswati Swami) என்பவர், காஞ்சி சங்கர மடத்தின் 70-ஆவது பீடாதிபதியான விஜயேந்திர சரஸ்வதியால் சந்நியாச தீட்சை, காஷாய தீட்சை மற்றும் மந்திர தீட்சை, கமண்டலம், தண்டம் வழங்கப்பெற்று காஞ்சி சங்கர மடத்தின் 71-ஆவது பீடாதிபதியாக 30 ஏப்ரல் 2025 அட்சயதிருதியை நன்னாள் அன்று பொறுப்பேற்றார்.^{[1][2][3][4][5]}

சத்ய சந்திரசேகரேந்திர சரஸ்வதி
பிறப்பு	29 ஏப்ரல் 1999 (1999-04-29) (அகவை 26) அன்னவரம், கிழக்கு கோதாவரி மாவட்டம், ஆந்திரப் பிரதேசம்
இயற்பெயர்	சத்ய வெங்கட் சூர்ய சுப்ரமண்ய கணேச சர்மா திராவிட்
தேசியம்	இந்தியர்
சமயம்	இந்து சமயம்
தலைப்புகள்/விருதுகள்	ஜெகத்குரு சங்கராச்சாரியார்

பிறப்பு

சத்ய சந்திரசேகரேந்திர சரஸ்வதியின் இயற்பெயர் துட்டு சத்ய வெங்கட் சூர்ய சுப்ரமண்ய கணேச சர்மா திராவிட் என்பதாகும். இவர் ஆந்திரப் பிரதேசம் மாநிலத்தில் உள்ள அன்னவரம் நகரத்தின் புரோகிதரான சீனிவாச சூரிய சுப்ரமணிய தன்வந்திரி - அலமேலு மங்கலதேவி இணையரின் ஒரே மகனாக 29 ஏப்ரல் 1999 அன்று பிறந்தார்.^[6]

கல்வி

சத்ய சந்திரசேகேந்திர சரஸ்வதி துவாரகா திருமலையில் உள்ள வேத பாடசாலையில், வேத வித்தகரான சந்துகுல்லு ஹோசரமானே பட் சர்மாவிடம் ரிக் வேத மந்திரம் மற்றும் இந்து தர்ம சாத்திரங்களைக் கற்றார்.

இளைய பீடாதிபதி பட்டம்

சங்கர மடத்தின் 70-ஆவது பீடாதிபதியான விஜயேந்திர சரஸ்வதி, 30 ஏப்ரல் 2025 (அட்சய திருதியை) அன்று சத்ய வெங்கட் சூர்ய சுப்ரமண்ய கணேச சர்மா திராவிட்டுக்குத் துறவற தீட்சை, காஷாய தீட்சை மற்றும் மந்திர தீட்சை வழங்கி, சத்ய சந்திரசேகரேந்திர சரஸ்வதி எனும் பெயர் சூட்டி காஞ்சி சங்கர மடத்தின் 71-ஆவது இளைய பீடாதிபதியாக்கினார்.

இதனையும் காண்க

• காஞ்சி சங்கர மடம்
• சந்திரசேகர சரசுவதி - 68வது காஞ்சி சங்கர மட பீடாதிபதி
• செயந்திர சரசுவதி - 69வது காஞ்சி சங்கர மட பீடாதிபதி
• விசயேந்திர சரசுவதி -70வது காஞ்சி சங்கர மட பீடாதிபதி