சோராபாக் மாவட்டம்

சோராபாக் மாவட்டம் (Shorabak District)^[1]ஆப்கானித்தான் நாட்டின் கந்தகார் மாகாணத்தின் 13 மாவட்டங்களில் ஒன்றாகும். இதன் தலைமையிடமான சோராபாக் நகரம் மாகாணத் தலைநகரான கந்தகாருக்கு 110 கிலோமீட்டர் தொலைவிலும்; நாட்டின் தலைநகரான காபூலுக்கு 702.2 கிலோமீட்டர் தொலைவிலும் உள்ளது. 2020ஆம் ஆண்டில் இம்மாவட்டத்தின் மக்கள் தொகை 13,020 ஆகும்.^[2] இம்மாவட்டம் 21 பிப்ரவரி 2017 முதல் தாலிபான்களின் கட்டுப்பாட்டில் சென்றது.^[3]

ஆப்கானித்தான் நாட்டின் கந்தகார் மாகாணத்தின் 13 மாவட்டங்களின் வரைபடம்

அமைவிடம்

கந்தகார் மாகாணத்தின் தென்கிழக்கில் அமைந்த சோராபாக் மாவட்டத்தின் மேற்கில் ரெக் மாவட்டம், வடக்கில் ஸ்பின் போல்டாக் மாவட்டம், கிழக்கிலும், தெற்கிலும் பாக்கித்தான் நாடும் அமைந்துள்ளது.

புவியியல்

ஆப்கான்--பாகிஸ்தான் எல்லையில் அமைந்த சோராபாக் மாவட்டம், சுலைமான் மலைத்தொடரின் மேற்கில், கடல் மட்டத்திலிருந்து 1243 மீட்டர் உயரத்தில் அமைந்துள்ளது.^[4]