திண்டுக்கல் சந்திப்பு தொடருந்து நிலையம்

திண்டுக்கல் சந்திப்பு தொடருந்து நிலையம் (Dindigul Junction railway station, நிலையக் குறியீடு:DG) இந்தியாவின், தமிழ்நாட்டிலுள்ள, திண்டுக்கல் நகரில் உள்ள ஒரு தொடருந்து நிலையமாகும்.^[1]

திண்டுக்கல் சந்திப்பு
தொடருந்து நிலையம்
பொது தகவல்கள்
அமைவிடம்	இரயில் நிலையம் சாலை, திண்டுக்கல், திண்டுக்கல் மாவட்டம், தமிழ்நாடு இந்தியா
ஆள்கூறுகள்	10.7648°N 79.6338°E / 10.7648; 79.6338
ஏற்றம்	287 மீட்டர்
உரிமம்	இந்திய இரயில்வே
இயக்குபவர்	தென்னக இரயில்வே
நடைமேடை	5
இணைப்புக்கள்	பேருந்து நிலையம், ஆட்டோ ரிக்சா, வாடகையுந்து
கட்டமைப்பு
கட்டமைப்பு வகை	தரையில் உள்ள நிலையம்
தரிப்பிடம்	உண்டு
மற்ற தகவல்கள்
நிலை	இயங்குகிறது
நிலையக் குறியீடு	DG
மண்டலம்(கள்)	தென்னக இரயில்வே
கோட்டம்(கள்)	மதுரை
பயணக்கட்டண வலயம்	இந்திய இரயில்வே
அமைவிடம் திண்டுக்கல் சந்திப்பு தமிழக வரைபடத்தில் உள்ள இடம் Show map of தமிழ்நாடு திண்டுக்கல் சந்திப்பு இந்திய வரைபடத்தில் உள்ள இடம் Show map of இந்தியா

இந்த நிலையம் தென்னக இரயில்வே மண்டலத்தின், மதுரை தொடருந்து கோட்டத்தின் கீழ் செயல்படுகிறது. சென்னை மற்றும் வடக்கிலிருந்து மதுரை சந்திப்பை நோக்கி செல்லும் அனைத்து தொடருந்துகளும் இந்நிலையம் வழியாகச் செல்வதால், இது மதுரை சந்திப்புக்கான நுழைவாயிலாக உள்ளது.

அமைவிடம்

திண்டுக்கல் சந்திப்பானது, சிட்கோ தொழிற்பேட்டை தோட்டத்தை ஒட்டியுள்ள நகரின் கிழக்குப் பகுதியில் அமைந்துள்ளது.

இதன் அருகிலுள்ள தொடருந்து நிலையங்கள் கீழே கொடுக்கப்பட்டுள்ளது:

• வெள்ளோடு தொடருந்து நிலையம் (தெற்கு)
• தாமரைபாடி தொடருந்து நிலையம் (கிழக்கு)
• அக்கரைப்பட்டி தொடருந்து நிலையம் (மேற்கு)
• எரியோடு தொடருந்து நிலையம் (வடக்கு)

இதன் அருகிலுள்ள வானூர்தி நிலையம், 62 கி.மீ தொலைவிலுள்ள மதுரை வானூர்தி நிலையமாகும்.

திட்டங்கள் மற்றும் மேம்பாடு

இந்திய இரயில்வேயின் அமிர்த பாரத் நிலையத் திட்டத்தின் கீழ் மேம்படுத்தப்படுவதற்கு தேர்ந்தெடுக்கப்பட்ட தமிழ்நாட்டின் 75 நிலையங்களில் இதுவும் ஒன்றாகும். மத்திய அரசின் உள்கட்டமைப்புக்கான பிரதமர் கதி சக்தி அமைப்பின் கீழ் இத்திட்டம் செயற்படுத்தப்படுகிறது.^[2][3][4]

அமிர்த பாரத் திட்டத்தின் கீழ் மதுரை தொடருந்து கோட்டத்தில் 15 நிலையங்கள் தேர்ந்தெடுக்கப்பட்டன, திண்டுக்கல் சந்திப்பு தொடருந்து நிலையத்தை புதுப்பிக்கும் பணிக்கு 22.85 கோடி ரூபாய் ஒதுக்கப்பட்டுள்ளது.^[5][6]

வழித்தடங்கள்

இந்நிலையத்திலிருந்து நான்கு வழித்தடங்கள் பிரிகின்றது:

• மதுரை நோக்கி செல்லும் மின்மயமாக்கப்பட்ட இரட்டை அகலப்பாதை.
• திருச்சி நோக்கி செல்லும் மின்மயமாக்கப்பட்ட இரட்டை அகலப்பாதை.
• கரூர் நோக்கி செல்லும் மின்மயமாக்கப்பட்ட ஒற்றை அகலப்பாதை.
• பாலக்காடு நோக்கி செல்லும் ஒற்றை அகலப்பாதை.