பகுதியமுக்கம்

வளிமங்களின் ஒரு கலவையில், ஒவ்வொரு வளிமமும் கொண்டிருக்கும் பகுதியமுக்கம் அல்லது பகுதியழுத்தம் (Partial pressure) என்பது அவ்வளிமமானது கலவையின் கனவளவிலும் வெப்பநிலையிலும் தனியே இருக்குமானால், ஏற்படுத்தும் கருதுகோள் அமுக்கம் ஆகும்.^[1] ஒரு கருத்தியல் வளிமக் கலவையின் மொத்த அமுக்கமானது, அக்கலவையிலுள்ள வளிமங்களின் பகுதியமுக்கங்களின் கூட்டுத்தொகைக்குச் சமனாகும்.^[2]

ஒரு கருத்தியல் வளிமக் கலவையினுள் X என்னும் வளிமம் உள்ளது என்க.

${\displaystyle {\frac {V_{X}}{V_{tot}}}={\frac {p_{X}}{P_{tot}}}={\frac {n_{X}}{n_{tot}}}}$^[3]

• V_X என்பது Xஇன் பகுதிக் கனவளவு ஆகும்.
• V_tot என்பது வளிமக் கலவையின் மொத்தக் கனவளவு ஆகும்.
• p_X என்பது Xஇன் பகுதியமுக்கம் ஆகும்.
• P_tot என்பது வளிமக் கலவையின் மொத்த அமுக்கம் ஆகும்.
• n_X என்பது Xஇன் மூலளவு ஆகும்.
• n_tot என்பது வளிமக் கலவையின் மொத்த மூலளவு ஆகும்.

தாற்றனின் பகுதியமுக்க விதி

முதன்மைக் கட்டுரை: டால்ட்டனின் விதி

தாற்றனின் பகுதியமுக்க விதிப்படி, ஒன்றோடொன்று வேதித் தாக்கத்தில் ஈடுபடாத வளிமங்களைக் கொண்ட ஒரு வளிமக் கலவையின் மொத்த அமுக்கமானது, கலவையிலுள்ள வளிமங்களின் பகுதியமுக்கங்களின் கூட்டுத்தொகைக்குச் சமனாகும்.^[2]

X, Y, Z ஆகிய மூன்று கருத்தியல் வளிமங்களைக் கொண்ட வளிமக் கலவையைக் கருதுக.

${\displaystyle {P_{tot}}={p_{X}}+{p_{Y}}+{p_{Z}}}$^[2]

இங்கு P_tot என்பது வளிமக் கலவையின் மொத்த அமுக்கம் ஆகும். p_X, p_Y , p_Z என்பன முறையே, X, Y, Z ஆகிய வளிமங்களின் பகுதியமுக்கங்கள் ஆகும்.

கருத்தியல் வளிமக் கலவைகள்

கருத்தியல் வளிமக் கலவைகளில், பகுதியமுக்கங்களின் விகிதமானது, ஒத்த மூலளவுகளின் விகிதத்திற்குச் சமனாகும். இதிலிருந்து,

${\displaystyle X_{\mathrm {i} }={\frac {p_{\mathrm {i} }}{P_{tot}}}={\frac {n_{\mathrm {i} }}{n_{tot}}}}$

ஆகவே,

${\displaystyle p_{\mathrm {i} }=X_{\mathrm {i} }\cdot {P_{tot}}}$^[3]

இங்கு,

• ${\displaystyle X_{\mathrm {i} }}$ = வளிமக் கலவையிலுள்ள ஏதாவதொரு வளிமத்தின் மூல் பின்னம்
• ${\displaystyle p_{\mathrm {i} }}$ = வளிமக் கலவையிலுள்ள ஏதாவதொரு வளிமத்தின் பகுதியமுக்கம்
• ${\displaystyle n_{\mathrm {i} }}$ = வளிமக் கலவையிலுள்ள ஏதாவதொரு வளிமத்தின் மூலளவு
• ${\displaystyle {n_{tot}}}$ = வளிமக் கலவையின் மொத்த மூலளவு
• ${\displaystyle {P_{tot}}}$ = வளிமக் கலவையின் மொத்த அமுக்கம்

இவற்றையும் பார்க்க

• என்றியின் விதி
• உன்னத வளிமம்
• மோல் பின்னம்
• மோல்