மயிலாடுதுறை சந்திப்பு தொடருந்து நிலையம்

மயிலாடுதுறை சந்திப்பு தொடருந்து நிலையம் (Mayiladuthurai Junction railway station, நிலையக் குறியீடு:MV) இந்தியாவின், தமிழ்நாடு மாநிலத்தில், மயிலாடுதுறை மாவட்டத்தில், மயிலாடுதுறை நகரில் அமைந்துள்ளது ஒரு தொடருந்து நிலையம் ஆகும்.

மயிலாடுதுறை சந்திப்பு
தொடருந்து நிலையம்
மயிலாடுதுறை சந்திப்பு
பொது தகவல்கள்
அமைவிடம்	ரயில்வே குறுக்கு ரோடு, மயிலாடுதுறை, மயிலாடுதுறை, தமிழ்நாடு இந்தியா
ஆள்கூறுகள்	11.0951°N 79.6284°E / 11.0951; 79.6284
ஏற்றம்	17 மீட்டர்கள் (56 அடி)
உரிமம்	இந்திய இரயில்வே
இயக்குபவர்	தென்னக இரயில்வே
தடங்கள்	சென்னை எழும்பூர் - தஞ்சாவூர் முதன்மை வழித்தடம்
நடைமேடை	5
இருப்புப் பாதைகள்	8
இணைப்புக்கள்	பேருந்து நிலையம், வாடகையுந்து, ஆட்டோ ரிக்சா நிலையம்
கட்டமைப்பு
கட்டமைப்பு வகை	தரையில் உள்ள நிலையம்
தரிப்பிடம்	உண்டு
மாற்றுத்திறனாளி அணுகல்
மற்ற தகவல்கள்
நிலை	இயங்குகிறது
நிலையக் குறியீடு	MV[1]
மண்டலம்(கள்)	தென்னக இரயில்வே
கோட்டம்(கள்)	திருச்சிராப்பள்ளி
அமைவிடம் மயிலாடுதுறை சந்திப்பு தமிழக வரைபடத்தில் உள்ள இடம். Show map of தமிழ்நாடு மயிலாடுதுறை சந்திப்பு மயிலாடுதுறை சந்திப்பு (இந்தியா) Show map of இந்தியா

தெற்கு இரயில்வே மண்டலத்தின் திருச்சிராப்பள்ளி இரயில்வே கோட்டத்தின் கீழ் இந்த தொடருந்து நிலையம் அமைந்துள்ளது. மாநிலத்தின் பல்வேறு பகுதிகளையும், அதே போல் மற்ற மாநிலங்களை இணைக்கும் ஒரு நிலையமாக உள்ளது.

இடம் மற்றும் அமைப்பு

ஜன சதாப்தி விரைவு ரயிலானது மயிலாடுதுறை சந்திப்பில் நிற்கும் காட்சி

மயிலாடுதுறை தொடருந்து நிலையம் நகரத்தின் தென்-மேற்கு பகுதியில் அமைந்துள்ளது. இதன் மிக அருகிலேயே பேருந்து நிலையம் உள்ளது.

மயிலாடுதுறை தொடருந்து நிலையம், மயிலாடுதுறை நகரின் ஒரு மைய புள்ளியாகவும் சென்னை, நாகப்பட்டினம், இராமேசுவரம், கும்பகோணம், தஞ்சாவூர்,திருவாரூர்' மற்றும் பாபநாசம் போன்ற முக்கிய நகரங்களை இணைக்கும் நிலையமாக அமைந்துள்ளது. இது தென்னக இரயில்வேயின் சென்னை எழும்பூர் - தஞ்சாவூர் முதன்மை வழித்தடம் மீது அமைந்துள்ளது.

திட்டங்கள் மற்றும் மேம்பாடு

இந்திய இரயில்வேயின் அமிர்த பாரத் நிலையத் திட்டத்தின் கீழ் மேம்படுத்தப்படுவதற்கு தேர்ந்தெடுக்கப்பட்ட தமிழ்நாட்டின் 75 நிலையங்களில் இதுவும் ஒன்றாகும். மத்திய அரசின் உள்கட்டமைப்புக்கான பிரதமர் கதி சக்தி அமைப்பின் கீழ் இத்திட்டம் செயற்படுத்தப்படுகிறது.^[2][3][4]

அமிர்த பாரத் திட்டத்தின் கீழ் திருச்சிராப்பள்ளி தொடருந்து கோட்டத்தில் 15 நிலையங்கள் தேர்ந்தெடுக்கப்பட்டன, மயிலாடுதுறை சந்திப்பு தொடருந்து நிலையத்தை புதுப்பிக்கும் பணிக்கு 20.46 கோடி ரூபாய் ஒதுக்கப்பட்டுள்ளது.^[5][6]