முக்கோண இருஅடிக்கண்டம்

முக்கோண இருஅடிக்கண்டம் (triangular bifrustum) என்பது, இருஅடிக்கண்டப் பன்முகிகளின் முடிவிலாத் தொடரில் முதலாவதாக உள்ள இருஅடிக்கண்ட வகையாகும். ஒரு முக்கோண இருஅடிக்கண்டம் 6 சரிவக முகங்களையும் 2 முக்கோண முகங்களையும் கொண்டது. முக்கோண இருஅடிக்கண்டத்தைத் முனைதுண்டிக்கப்பட்ட முக்கோண இருபட்டைக்கூம்பு எனவும் அழைக்கலாம். எனினும் ஒரு முக்கோண இருபட்டைக்கூம்பின் ஐந்து முனைகளையும் துண்டிக்கக் கிடைக்கும் பன்முகியும் இதே பெயரால் அழைக்கப்படுவதால், முனைதுண்டிக்கப்பட்ட முக்கோண இருபட்டைக்கூம்பு என முக்கோண இருஅடிக்கண்டத்தை அழைப்பது ஈரடிவகைக்குள்ளாகும்.^[1]

முக்கோண இருஅடிக்கண்டம்
வகை	இருஅடிக்கண்டம்
முகங்கள்	6 சரிவகம், 2 முக்கோணம்
விளிம்புகள்	15
உச்சிகள்	9
சமச்சீர்மை குலம்	D3h
இருமப் பன்முகி	நீள் முக்கோண இருபட்டைக்கூம்பு
பண்புகள்	குவிவு
வலையமைப்பு

ஒரு முக்கோண இருபட்டைக்கூம்பின் துருவ அச்சின் இரு முனைகளையும் துண்டித்து அதனை இரு அடிக்கு-அடி அடிக்கண்டங்களின் இணைப்பு மூலம் ஒரு முக்கோண இருஅடிக்கண்டத்தை வடிவமைக்கலாம். இது ஒரு மீநுண்மபடிக வடிவில் இருக்கும்.^[2][3]

அடுக்கப்பட்ட இரு ஒழுங்கு எண்முகிகளின் பக்கங்களைச் சுற்றி மூன்று சோடி நான்முகிகளை இணைத்து ஒரு முனைதுண்டிக்கப்பட்ட முக்கோண இருபட்டைக்கூம்பை வடிவமைக்கலாம்.