விலாக்

விலாக்^[1] (vlog) நிகழ்பட வலைப்பதிவு அல்லது நிகழ்படப் பதிவு என்றும் அழைக்கப்படுகிறது. இது வலைப்பதிவின் ஒரு வடிவமாகும், இதற்கான முதன்மை ஊடகம் நிகழ்படம் ஆகும். ^[2] இதன் உள்ளீடுகள் பெரும்பாலும் உட்பொதிக்கப்பட்ட நிகழ்படத்தினை (அல்லது நிகழ்பட இணைப்பு) துணை உரை, படங்கள் மற்றும் பிற மீதரவுடன் இணைக்கின்றன. உள்ளீடுகளை ஒரே முறை எடுத்துப் பதிவு செய்யலாம் அல்லது பல பகுதிகளாக வெட்டலாம். மிகவும் பொதுவான வீடியோ நாட்குறிப்பு போலல்லாமல், விலோகுகள் பெரும்பாலும் பதிவு செய்பவர்கள் சுயமாக சித்தரிக்கும் வகையில் பதிவு செய்யப்படுகின்றன. ^[3]

சமீபத்திய ஆண்டுகளில், "விலாக்கிங்" சமூக ஊடகங்களில் ஒரு பெரிய சமூகத்தை உருவாக்கி, எண்மப் பொழுதுபோக்கின் மிகவும் பிரபலமான வடிவங்களில் ஒன்றாக மாறியுள்ளது. எழுதப்படும் வலைப்பதிவுகளுக்கு மாறாக, பொழுதுபோக்குடன், விலோகுகள் படங்கள் ^[4] மூலம் ஆழமான புரிதலை வழங்க முடியும் என்று பரவலாக நம்பப்படுகிறது.

வரலாறு

1980களில், நியூயார்க் கலைஞரான நெல்சன் சல்லிவன், நியூயார்க் நகரம் மற்றும் தென் கரோலினாவைச் சுற்றிப் பயணம் செய்த அனுபவங்களை ஒரு தனித்துவமான விலோக் போன்ற பாணியில் நிகழ்படங்களைப் பதிவுசெய்து ஆவணப்படுத்தினார். ^[5]

சனவரி 2, 2000-இல், ஆடம் கான்ட்ராஸ் வணிக நோக்கத்திற்காக லாஸ் ஏஞ்சல்சுக்குச் சென்றதை தனது நண்பர்களுக்குத் தெரிவிக்கும் நோக்கில் ஒரு நிகழ்படத்தினை வலைப்பதிவில் வெளியிட்டார். அதுவே வலைப்பதிவு வரலாற்றில் அதிக நேரம் ஓடக்கூடிய விலாக் ஆனது. ^{[6] [7] [8]} அந்த ஆண்டின் நவம்பரில், அட்ரியன் மைல்ஸ் ஒரு புகைப்படத்தின் உரையை மாற்றும் நிகழ்படத்தினை வெளியிட்டார், அவரது நிகழ்பட வலைப்பதிவைக் குறிக்க வோக் என்ற வார்த்தையை உருவாக்கினார். ^{[9] [10]} திரைப்படத் தயாரிப்பாளரும் இசைக்கலைஞருமான லூக் பௌமன் 2002 ஆம் ஆண்டில் இப்போது செயல்படாத Tropisms.org தளத்தை அவரது கல்லூரிக்குப் பிந்தைய பயணங்களின் வீடியோ நாட்குறிப்பாகத் தொடங்கினார், இது விலாக் அல்லது வீடியோலாக் என்று அழைக்கப்படும் முதல் தளங்களில் ஒன்றாகும். ^{[11] [12]} 2004 ஆம் ஆண்டில், ஸ்டீவ் கார்பீல்ட் தனது சொந்த நிகழ்பட வலைப்பதிவைத் தொடங்கினார் மற்றும் அந்த ஆண்டை "நிகழ்பட வலைப்பதிவின் ஆண்டு" என்று அறிவித்தார். ^{[13] [14]}

ஒரு YouTube விலாக்கர் தனது பார்வையாளர்களை வாழ்த்துகிறார்

பல்வேறு நிகழ்வுகள்

• 2005, சனவரி - முதல் விலாக் மாநாடு, நியூயார்க் நகரில் நடைபெற்றது. ^[15]
• 2006, நவம்பர் - இரினா இசுலட்ஸ்கி முதலாமாண்டு வீடியோ வலைப்பதிவு விருதுகளான தி வ்லாக்கிஸை உருவாக்கித் தொகுத்து வழங்கினார். ^[16]
• 2007, மே மற்றும் ஆகஸ்ட் - தி வால் ஸ்ட்ரீட் ஜர்னல் ஒரு பாட்டியின் புகைப்படத்தினை ^[17] அதன் முதன்மை இதழின் முதல் பக்கத்தில் இடம் பெறச் செய்தது. ^[18] வயதானவர்களும் தற்போது இணைய நிகழ்பட உலகில் ஈடுபடுகிறார்கள் என்பதைக் குறிப்பிட ஆகஸ்ட் 2007 இல், அவர் ஏபிசி வேர்ல்ட் நியூஸ் டுநைட் பிரிவில் ^[19] இடம்பெற்றார்.