வெள்ளை யானை

வெள்ளை யானை (Vellai Yaanai ) என்பது 2021 ஆம் ஆண்டு வெளிவந்த இந்தியத் தமிழ் மொழி நாடகத் திரைப்படமாகும். சுப்பிரமணியம் சிவா இயக்கிய இப்படத்தில் சமுத்திரக்கனி, ஆத்மியா ராஜன் ஆகியோர் முக்கிய வேடங்களில் நடித்திருந்தனர். மினி சுடுடியோஸ் தயாரித்த இத்திரைப்படம் 2021 சூலை 11 அன்று சன் தொலைகாட்சியில் வெளியிடப்பட்டது.^[1][2]

வெள்ளை யானை
இயக்கம்	சுப்பிரமணியம் சிவா
நடிப்பு	சமுத்திரக்கனி ஆத்மியா ராஜன்
இசை	சந்தோஷ் நாராயணன்
நாடு	இந்தியா
மொழி	தமிழ்
தயாரிப்பு
தயாரிப்பாளர்கள்	எஸ். வினோத் குமார்
ஒளிப்பதிவு	விஷ்ணு
தொகுப்பு	ஏ. எல். ரமேஷ்
தயாரிப்பு நிறுவனங்கள்	மினி ஸ்டுடியோஸ்
ஒளிபரப்பு
அலைவரிசை	சன் தொலைக்காட்சி
ஒளிபரப்பான காலம்	11 சூலை 2021 (2021-07-11)

நடிகர்கள்

• வெள்ளை குஞ்சுவாக சமுத்திரக்கனி
• வேண்டாம் அமிர்தமாக ஆத்மியா ராஜன்
• கேகேவாக யோகி பாபு
• எஸ். எஸ். ஸ்டான்லி
• ராமதாஸ்
• பாவ செல்லத்துரை
• சரண்யா ரவிச்சந்திரன்

தயாரிப்பு

நீண்ட ஓய்வுக்குப் பிறகு சுப்பிரமணியம் சிவா இயக்குநராகத் திரும்பினார். மேலும் சமுத்திரக்கனியை விவசாயியாக முக்கிய வேடத்தில் நடிக்கத் தேர்ந்தெடுத்தார். ஜோசப் (2018) என்ற மலையாளத் திரைப்படத்தில் ஆத்மியா ராஜனின் நடிப்பால் ஈர்க்கப்பட்ட இயக்குநர் இவரை முன்னணி நடிகையாகத் தேர்ந்தெடுத்தார். படத்தின் தயாரிப்பிற்குப் பிந்தைய பணிகள் ஜூன் 2019 இல் தொடங்கியது. ஆனால் படத்தின் வெளியீடு இரண்டு ஆண்டுகள் தாமதமானது.^[3][4][5][6]

ஒலிப்பதிவு

சந்தோஷ் நாராயணன் படத்துக்கு இசையத்திருந்தார்.^[7]

வெளியீடு

படம் நேரடியாக சன் தொலைக்காட்சியில் 2021 சூலை 11 அன்று வெளியிடப்பட்டது. சினிமா எக்ஸ்பிரஸின் ஒரு விமர்சகர், "படத்தின் ஒழுங்கின்மை நல்ல எண்ணம் கொண்ட சமுத்திரக்கனியின் கண்ணீரைக் கெடுக்கிறது" என்று எழுதினார். மேலும் "ஒழுங்கற்ற எழுத்து நன்றாக நிகழ்த்தப்பட்ட கிராமப்புற நாடகத்தை அழிக்கிறது." ^[8] திரைவிமர்சன இணையங்களான பிகைன்ட்வுட்ஸ், தினமலர் ஆகியவை படத்திற்கு கலவையான விமர்சனங்களை அளித்தன.^[9][10][11]