அபாத்து நியூக்ளியசு பேரங்காடி

அபாத்து நியூக்ளியசு பேரங்காடி (Abad Nucleus Mall) கேரளாவின் கொச்சியில் உள்ள ஒரு வணிக வளாகமாகும். வளரும் புறநகர்ப் பகுதியான மரதுவில், திருப்புனித்துராவிற்கு அருகில் நகர மையத்திற்கு அருகில் சுமார் 8 கிலோமீட்டர் தொலைவில் அமைந்துள்ளது. கொச்சியிலுள்ள பிரபலமான அபாத்து ^[1] கட்டுமான நிறுவனத்தால் கட்டப்பட்டு பேரங்காடி நிர்வகிக்கப்படுகிறது. 1.25 இலட்சம் மொத்த குத்தகை (சில்லறை) வருவாய் தரும் இடம் உட்பட மொத்தம் 2.3 லட்சம் சதுர அடியில் பேரங்காடி கட்டப்பட்டுள்ளது.^[1][3] 2010 ஆம் ஆண்டு நவம்பர் மாதம் 5 ஆம் தேதியன்று 3 தளங்களில் பேரங்காடி திறக்கப்பட்டது.^[2] இந்தியாவின் முதல் ஆற்றல் மற்றும் சுற்றுச்சூழல் வடிவமைப்பில் தலைமை அமைப்பு சான்றளிக்கப்பட்ட தங்கம் தரமதிப்பீடு செய்யப்பட்ட பேரங்காடி அபாத்து நியூக்ளியசு பேரங்காடியாகும்.^[4] 2012 ஆம் ஆண்டிற்கான தென்னிந்தியாவின் சுற்றுச்சூழலுக்கு உகந்த வணிகத் திட்டப் பிரிவிலும் இப்பேரங்காடி விருது பெற்றது.

அபாத்து நியூக்ளியசு பேரங்காடி

அபாத்து நியூக்ளியசு பேரங்காடி Abad Nucleus Mall
இருப்பிடம்:	கொச்சி, இந்தியா
அமைவிடம்	9°56′22″N 76°19′52″E
முகவரி	தேசிய நெடுஞ்சாலை 85, மரது, கொச்சி
திறப்பு நாள்	2010
உருவாக்குநர்	அபாத்து கட்டுனர்கள்
கட்டிடக் கலைஞர்	அபாத்து கட்டிடக் கலைஞர்கள்
கடைகள் எண்ணிக்கை	66
கூரை எண்ணிக்கை	4
மொத்த வணிகத் தளப் பரப்பளவு	125,000 சதுர அடிகள் (11,600 m2)[1][2]
தள எண்ணிக்கை	G + 3
வலைத்தளம்	nucleusmall.in

பொழுதுபோக்கு அம்சங்கள்

• நவீன முறையில் இயக்கப்படும் 168 மற்றும் 132 இருக்கைகள் கொண்ட 2 திரை பல்காட்சி திரைகள்
• 7500 சதுர அடியில் விளையாட்டிட மண்டலம்.
• 24 இருக்கைகள் கொண்ட 6 பரிமாண திரையரங்கம். இந்தியாவில் இத்தகைய முதல் திரையரங்கு ஆகும்.