அபிசேக் சர்மா

அபிசேக் சர்மா (பிறப்பு 4 செப்டம்பர் 2000) ஒரு இந்திய துடுப்பாட்டக்காரர் . ^[1] அவர் 25 பிப்ரவரி 2017 அன்று 2016-17 விஜய் ஹசாரே கோப்பைத்தொடரில் பஞ்சாப் அணிக்காக பட்டியல் அ துடுப்பாட்டப் போட்டிகளில் அறிமுகமானார் ^[2] அவர் 6 அக்டோபர் 2017 அன்று 2017-18 ரஞ்சிக் கோப்பைத் தொடரில் பஞ்சாப் அணிக்காக முதல்தர துடுப்பாட்டப் போட்டிகளில் அறிமுகமானார் ^[3]

அபிசேக் சர்மா

தனிப்பட்ட தகவல்கள்
பிறப்பு	4 செப்டம்பர் 2000 (2000-09-04) (அகவை 25) அமிர்தசரஸ், பஞ்சாப், இந்தியா
மட்டையாட்ட நடை	இடது கை
பந்துவீச்சு நடை	இடது-கை வழமைச் சுழல்
பங்கு	பன்முக வீரர்
உள்ளூர் அணித் தரவுகள்
ஆண்டுகள்	அணி
2017–தற்போது	பஞ்சாப்
2018	டெல்லி டேர்டெவில்ஸ் (squad no. 4)
2019–தற்போது	சன்ரைசர்ஸ் ஐதராபாத் (squad no. 18)
மூலம்: கிரிக்கெட் ஆர்க்கைவ், 19 ஏப்ரல் 2023

டிசம்பர் 2017 இல், நியூசிலாந்தில் நடைபெற்ற 19 வயதுக்குட்பட்டோருக்கான 2018 துடுப்பாட்ட உலகக் கோப்பைக்கான இந்திய அணியில் அவர் இடம் பெற்றார். ^[4]

உள்ளூர்ப் போட்டிகள்

ஜனவரி 2018 இல், அவர் 2018 ஐபிஎல் ஏலத்தில் டெல்லி டேர்டெவில்ஸால் ரூ 5.5 மில்லியனுக்கு வாங்கப்பட்டார். ^{[5] [6] [7]} 12 மே 2018 அன்று, அவர் தனது இருபது20 அறிமுகப் போட்டியில் 2018 இந்தியன் பிரீமியர் லீக்கில் டெல்லி டேர்டெவில்ஸ் அணிக்காக விளையாடி 19 பந்துகளில் 46 ஓட்டங்கள் எடுத்தார். ^[8] 28 பிப்ரவரி 2021 அன்று மத்தியப் பிரதேசத்திற்கு எதிராக பஞ்சாப் அணிக்காக விளையாடி, பட்டியல் அ துடுப்பாட்டத்தில் 42 பந்துகளில் சதம் அடித்ததன் மூலம் இந்திய வீரர்களில் பட்டியல் அ போட்டிகளில் அதிவேக சதம் பெற்ற வீரர் ஆனார். ^[9] பிப்ரவரி 2022 இல், 2022 இந்தியன் பிரீமியர் லீக் போட்டிக்கான ஏலத்தில் சன்ரைசர்ஸ் ஹைதராபாத் அணியால் வாங்கப்பட்டார். ^{[10] [11]} 2022 இந்தியன் பிரீமியர் லீக்கில், அவர் 14 போட்டிகளில் விளையாடி மொத்தம் 426 ஓட்டங்கள் எடுத்தார் ^[12]