ஆனந்தமாயி மா

ஆனந்தமாயி மா (Anandamayi Ma, இயற்பெயர்: நிர்மலா சுந்தரி); 30 ஏப்ரல் 1896 – 27 ஆகத்து 1982) இந்து சமய ஆன்மீகத் தலைவர்களில் ஒருவர்.^[1] ஆனந்தமாயி மாவின் அறிவாற்றல், அற்புதங்கள் மற்றும் நம்பிக்கையால் நோய்களை குணப்படுத்தும் சக்தியால் பக்தர்களால் ஈர்க்கப்பட்டார்.^[2] சமற்கிருத மொழியில் ஆனந்தமாயி மா எழுதிய அத்வைத தத்துவ நூலை, பரமஹம்ச யோகானந்தர் "Joy-permeated" எனும் தலைப்பில் ஆங்கிலத்தில் மொழிபெயர்த்தார்.

ஆனந்தமாயி மா
சிறீ ஆனந்தமாயி மா
பிறப்பு	(1896-04-30)30 ஏப்ரல் 1896 கியாரா, பிரம்மன்பாரியா, வங்காள மாகாணம், பிரித்தானிய இந்தியா, (தற்போது வங்காளதேசம்)
இறப்பு	27 ஆகத்து 1982(1982-08-27) (அகவை 86) கிஷண்பூர், டேராடூன், உத்தரகாண்ட், இந்தியா
இயற்பெயர்	நிர்மலா சுந்தரி
தத்துவம்	தந்திரம்

ஆனந்தமாயி மா ஆஸ்ரமம், அரித்துவார்

இவருக்கு ஆனந்தமாயி மா எனும் சிறப்புப் பெயர் அவரது சீடர்களால் 1920ல் வழங்கப்பட்டது.^[3]

போதனைகள்

ஆனந்தமாயி மா போதனைகளில் முக்கிய கருத்தாக விளங்குவது, ஒவ்வொரு மனிதனுக்கும் மிக உயர்ந்த நோக்கமாக இருக்க வேண்டியது தன்னை அறிதலே (Self Realisation) ஆகும். கர்ம யோகத்தால் மட்டுமே தனி மனிதனிலும், சமூகத்திலும் தெய்வீக இயல்பை தூண்டி மறுமலர்ச்சி ஏற்படும் என்றார். எனினும் மறுமலர்ச்சிக்காக அனைவருக்கும் அறிவுரை வழங்கவில்லை. ஆன்மீக வாதங்கள் மற்றும் சர்ச்சைகளை அவர் தள்ளுபடி செய்தார். இவர் தனது சீடர்களுக்கு முறையான முன்முயற்சிகளை வழங்கவில்லை, தான் ஒரு குரு என அழைக்கப்படுவதற்கு மறுத்துவிட்டார், ஏனெனில் "அனைத்துப் பாதைகளும் என் பாதைகள்" என்றும், "எனக்கு எந்த தனி வழியும் இல்லை" என்றும் அமிர்தானந்த மாயி மா கூறினார்.^[4]