இந்து சுயம்சேவாக் சங்கம்

இந்து சுயம்சேவாக் சங்கம் (Hindu Swayamsevak Sangh சுருக்கமாக:HSS) (Hindi: हिन्दू स्वयंसेवक संघ, lit. 'Hindu's volunteer organization'; ராஷ்டிரிய சுயம்சேவாக் சங்கத்தின் சகோதர அமைப்புகளில் ஒன்றாகும். இந்தியாவிற்கு வெளியே வெளிநாடுகளில் மட்டும் கிளைகளுடன் செயல்படும் இவ்வமைப்பு சங் பரிவார அமைப்புகளில் ஒன்றாகும். இந்த அமைப்பின் 3289 கிளைகள், 156 நாடுகளில் செயல்படுகிறது.^[1]

இந்து சுயம்சேவாக் சங்கம்

உருவாக்கம்	1940
சேவை	இந்தியாவிற்கு வெளியே
தாய் அமைப்பு	ராஷ்டிரிய சுயம்சேவாக் சங்கம்
சார்புகள்	சங் பரிவார்
செயல்நோக்கம்	இந்தியாவிற்க் வெளியே வெளிநாடுகளில் இந்துத்துவக் கொள்கைகளைப் பரப்புதல்
வலைத்தளம்	Official website

லைபீரியா நாட்டில் இந்து சுயம்சேவாக் சங்கத்தின் மகளிர் அணி 15 டிசம்பர் 2018 அன்று நிறுவப்பட்டது

வரலாறு

14 சனவரி 1940 அன்று கென்யா நாட்டின் தலைநகரம் நைரோபியில் ஜெகதீஷ் சந்திர சாஸ்திரி என்பவரும், அவரது நண்பவர்களும் இணைந்து பாரதிய சுயம்சேவாக் சங்கம் என்ற பெயரில் நிறுவினர். பின்னர் கென்யா நாட்டின் பிற நகரங்களிலும் இந்த அமைப்பின் கிளைகள் துவக்கப்பட்டது.^[2][3]பின்னர் 1947-ஆம் ஆண்டில் இதன் பெயர் இந்து சுயம்சேவாக் சங்கம் எனப்பெயர் மாற்றம் செய்யப்பட்டது. ஐக்கிய இராச்சியத்தின் பர்மிங்காம் மற்றும் பிராட்போர்டு நகரங்களில் இந்து சுயம்சேவாக் சகத்தின் கிளை 1966-ஆம் ஆண்டில் துவக்கப்பட்டது.^[4]