திரவ நைட்ரஜன்

திரவ நைதரசன் (liquid nitrogen, LN₂) என்பது மிகவும் குறைந்த வெப்பநிலையில் திரவ நிலையில் இருக்கும் நைதரசன் ஆகும். இது ஒரு நிறமற்ற தெளிவான திரவம் ஆகும். இதன் கொதிநிலையில் (−196 °C (−321 °F; 77 K)) அடர்த்தி 0.807 கி/மிலி ஆகும். இதன் மின்கோடுபுவூடக மாறிலி 1.43.^[1] நைதரசன் முதன் முதலில் 1883 ஏப்ரல் 15 இல் சகில்லோனியன் பல்கலைக்கழகத்தில் போலந்து இயற்பியலாளர்களான சிக்முந்த் வுரூபிளேவ்ஸ்கி, கரோல் ஓல்செவ்சுக்கி ஆகியோரால் திரவமாக்கப்பட்டது.^[2] தொழில்முறையில் இது திரவக் காற்றை பகுதிபடக் காய்ச்சி வடித்தலின் மூலம் உருவாக்கப்படுகிறது. இதன் பிசுக்குமை அசிட்டோனதை விட பத்து மடங்கு குறைவானதாகும். திரவ நைதரசன் குளிரூட்டியாகப் பரவலாகப் பயன்படுத்தப்படுகிறது. திரவ நைதரசன் ஒரு ஈரணுத் திரவம் ஆகும். அதாவது திரவமாக்கலின் போது N₂ வளிமத்தின் N சகப் பிணைப்பின் ஈரணு இயல்பு மாற்றமடையாமல் இருக்கும்.^[3]

திரவ நைதரசன்

திரவ நைதரசனைப் பயன்படுத்தி மாணவர்கள் வீட்டில் பனிக்கூழ் தயாரித்தனர்.

இயல்புகள்

N₂ மூலக்கூறின் ஈரணுத் தன்மை திரவமாக்கலுக்குப் பிறகு தக்கவைக்கப்படுகிறது. N₂ மூலக்கூறுகளுக்கு இடையிலான பலவீனமான வான் டெர் வால்சு தொடர்பு சிறிய அணுக்கரு ஈர்ப்பை ஏற்படுத்துகிறது. இதுவே நைதரசனின் கொதிநிலை வழக்கத்திற்கு மாறாகக் குறைவாக இருப்பதற்கான காரணமாகும்.^[4]